Sunday , August 14 2022
Vilma Santos

Ate Vi umaksiyon sa panawagang tulong sa Visayas

HATAWAN
ni Ed de Leon

NATUTUWA si Ate  Vi (Congw.  Vilma Santos) dahil sabi nga niya, ”sa awa ng Diyos inabot man ang Batangas ng bagyong Odette hanggang signal number 1 lang kami at wala namang masyadong pinsala. Kaya naman iyong inihanda ng mga tao namin na galing naman sa aking mga kaibigan at doon sa mga produktong ine-endoso natin, naipadala na namin sa mga LGU sa Visayas para matulungan naman sila. Sila kasi iyong talagang tinamaan at may matinding pangangailangan.”

“Ganoon din naman ang ginawa nila noong pumutok ang Taal, nagpa-abot din naman sila ng tulong sa amin. Ganoon naman talaga. Hindi dahil sa Batangas kami iyon lang ang iintindihin namin. Kahit na nasa Visayas at Mindanao pa sila, Filipino pa rin iyan at kailangan nating tulungan. Kung iyong ibang mga bansa nga tumulong eh tayo pa ba ang hindi?

“At sinasabi ko nga kailangan tayong magdasal. At least tamaan man tayo ng problema mabilis naman tayong makakabangon. Nakatutuwa nga, pati si Pope Francis nagdadasal para sa tinamaan ng Odette rito sa Pilipinas. Kailangan talaga magkaisa tayo. Kalimutan na rin muna ang politika. Huwag nang isipin kung kalaban ba iyan o hindi. Basta ang dapat, mabilis nating maiparating sa mga kababayan natin ang tulong.

“Maski nga iyong blog ko eh may binago ako. Hindi naman puwedeng may nangyayaring ganyang kalamidad tapos parang balewala lang sa iyo at ang saya-saya mo. Hindi ka rin naman puwedeng masyadong gloomy dahil Pasko nga, kailangang isipin mo rin na ang mga nagfo-follow sa blog mo gusto ring maging masaya.

“Iyan ang isa pang bago sa akin iyong vlogging. Maniniwala ka ba kung sasabihin ko sa iyong mas mahirap pa iyan kaysa TV show?

“Ang tagal ko sa TV, pero hindi ako nag-iintindi eh. Sila ang gumagawa ng content ng show, gagawin ko lang kung ano ang kailangan. Sasabihin nila sa akin ang sequence para alam ko kung saan ako papasok at kung ano ang gagawin ko.

“Itong vlog hindi, kasi ikaw ang nag-iisip at gagawa ng buong concept ng ipakikita mo sa mga tao. Alam mo ba, riyan sa vlog tinutulungan pa ako ni Jessie (Mendiola) at ni Luis (Manzano). Naka-assist pa si Carla, pero mas pagod ako riyan kaysa noong gumagawa ako ng isang buong TV show. Mas mahirap ang vlog,” sabi pa ni Ate Vi

Alam naman ninyo si Ate Vi, laging maraming kuwento pero at saka na natin itutuloy iyong iba.

About Ed de Leon

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Chloe Jenna Christine Bermas Milana Ikemoto

Chloe Jenna nahirapan makipaghalikan kay Christine 

SHOWBIZ KONEKni Maricris Valdez Nicasio MULING sumabak sa pagdidirehe ng sexy ang singer/aktor na si Jeffrey …