Tuesday , April 23 2024

COMELEC seryoso ba sa campaign guidelines?

Isumbong mo
kay Dragon Lady
ni Amor Virata

TILA mahihirapang sundin ng taongbayan ang inilabas na alituntunin o guidelines ng Commission on Elections (COMELEC). Kung noong kasagsagan ng CoVid-19 ay maraming pasaway, ngayon pang kampanyahan para sa darating na halalan ay ipinagbabawal ang pagse-selfie o pagkuha ng retrato kasama ang kandidato,  pakikipagkamay o beso-beso, higit sa lahat ay ang pagbibigay ng mga pagkain.

Paano na ang mga magugutom sa panahon ng mga miting de avance na tumatagal ng ilang oras? ‘Di ba ang pagkakaloob ng makakain at inumin ay para mas ganahan ang mga manonood sa pakikinig sa mga kandidato dahil maiiwasan ang pagkalam ng sikmura?

Ano naman ang pagkakaiba nito nang payagan ang ilang may magagandang kalooban na namigay ng mga ayuda na maraming humawak sa mga de lata at bigas na ipinamamahagi?

Hindi ba kaartehan na ito? Kapag bumili ka ba sa palengke ng ulam sigurado ka ba na disinfected ang mga gulay o karne na nabili mo? Sa tagal mong hinawakan at binitbit ang nabili mo ay ligtas ka na sa anumang virus o bacteria? Saka mo lang lulutuin?

Kunsabagay, ligtas sa gastos ang mga kandidato, gusto kaya ito ng taongbayan o masunod kaya? ‘Di ba mas dapat pagtuunan ng Comelec ang bilihan ng boto, at dayaan sa panahon ng halalan?

Sa mga guidelines na ipinalabas ng Comelec, sa ganang akin ay isang kagaguhan! Upang maiwasan ang gustong guidelines ng Comelec sana ay wala na lang eleksiyon!

May puntos na umiwas sa pakikipagkamay o beso-beso na noon pa ipinaiiral, ngayon pa lang nga hindi masaway ang taongbayan, sa panahon pa ng kampanyahan? Sigurado hindi ito masusunod!

Ang sistema walang sinabi na penalty o kaparusahan ang Comelec sa sinomang kandidato na hindi susunod o lalabag sa guidelines!

Sabi ng ilan, maepal ang Comelec, gayong mas maraming katiwalian sa loob ng ahensiyang ito! Ang dapat nilang pagtuunan ng pansin ay ang magkano, manalo lang ang isang kandidato!

Nadadamay at hindi naluluklok ang tunay na nanalo! Maraming karapat-dapat na manalo ngunit dahilan sa pandaraya na kasabwat ang ilang empleyado ng Comelec, kaya bitaw na salita ng ilang kandidato, partikular ang mga natalo. Dinaya sila!

Paano na ‘yung mga tao na lumalapit sa mga kandidato para humingi ng tulong? ‘Yung walang makain at kailangan ng pagkain, ng gamot? Kailangan ba tanggihan ng kandidato? Patay ka na! Wala ka ng boto! Hayyyy, ano ba ‘yan Comelec? Esep-esep… hindi pa nga kampanyahan kabi-kabila na ang pagbibigay ng perang ayuda bakit ‘di n’yo ipagbawal?

About Amor Virata

Check Also

FIRING LINE ni Robert B. Roque, Jr.

Sinong gustong dumaan sa EDSA Carousel?

FIRING LINEni Robert B. Roque, Jr. PARA sa mga nagdududa sa ‘kasagradohan’ ng EDSA Carousel …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …