Wednesday , December 1 2021
Consoliza Laguardia, MTRCB

Laguardia mamumutol, mahahalay na pelikula lagot

HATAWAN
ni Ed de Leon

AYAN na. Nag-take over na si OIC Consoliza Laguardia sa MTRCB (Movie and Television Review and Classification Board) at mabilis niyang nasilip ang mga mahahalay na pelikulang ipinalalabas sa internet.

Kung kami ang tatanungin, hindi lang dapat classification kundi sensura ang ipataw diyan sa mga pelikula sa internet. Basahin na lang ninyo kung ano ang sinasabi nila mismo sa social media. Ni wala silang sinasabi kung ano ang kuwento ng kanilang mga pelikula, kundi kung paano inilabas ng mga artista nila ang mga ari-arian niyon sa pelikula nila. Hindi lang kung paano inilabas ang kanilang ari-arian. Ikinukuwento rin nila kung paano nila ipinakikita ang pagtatalik ng dalawang lalaki. Aba napansin namin na roon sa mga pelikulang inilalabas sa internet, lalo na iyong mga pambakla, magtataka ka kung bakit ipina-ban pa ng gobyerno ng Pilipinas ang website na Pornhub.

Ngayon pakikialaman na sila ng MTRCB, tiyak iyon putol ang mga ari-arian nila. Ang mga mahihilig na bakla, pupunta na lang sa isang social media platform na nakalulusot ang mahahalay na video, at siguro lilipat na lang sa mga sex video na ginagawa ng mga male starlet na walang trabaho.

Pero oras na makialam ang MTRCB, tiyak aalma ang mga baklang director na gumagawa ng mahahalay na pelikula, at kailangan natin isipin na noong gawin ni Presidente Marcos iyong PD1986, na siyang lumikha sa MTRCB, wala pang video streaming. Iyong mga computer noon na “wordstar” pa lang. Ibig sabihin, wala sa batas iyang internet video streaming at kung wala sa batas, paano nga ba iyan sasakupin ng MTRCB na ang kapangyarihan lamang ay nasa mga pampublikong palabas sa mga sinehan, sa telebisyon at niyong bandang huli ang kanilang classification ay ipinatutupad na rin sa video. Pero iyang internet pribado. Private communications iyan kaya paano kaya ang gagawin para mapanghimasukan ng MTRCB? Dapat ang makialam niyan ay ang DICT (Department of Information and Communications). May magagawa pa, babalik sila sa Kongreso para amyendahan ang batas ng MTRCB at masakop ang video streaming, eh ngayon wala ka nang mahagilap dahil lahat nagkakampanya na. Iyon ang sinasabi sa amin noon ni Congresswoman Vilma Santos, baka kailangan amyendahan iyang batas para masaklaw ng MTRCB ang video streaming, eh lahat nataranta sa pagpapasa ng Bayanihan law na nagbigay ng kapangyarihan sa gobyerno na bumili ng kahit na ano ng walang bidding.

About Ed de Leon

Check Also

Mother Lily Monteverde Mano Po

Mano Po may TV series na!

I-FLEXni Jun Nardo MAGKAKAROON na ng TV series sa GMA ang Mano Po film franchise ng Regal Entertainment. Konsepto ni Mother Lily Monteverde ang Mano …

Herbert Batista Rene Boy

HB iniyakan ng matatanda at tinawag na Rene Boy

I-FLEXni Jun Nardo NAG-IIYAKAN ang matatandang babae kay senatoriable Herbert Batista nang umikot siya sa Cebu City …

Blind Item, Mystery Man, male star

Baguhang male star na jutay at mahal sumingil ‘di na in sa mga beki

HATAWAN!ni Ed de Leon MATAPOS ang isang ginawang BL, wala na ngang narinig tungkol sa isang baguhang …

Derrick Monasterio, Ricky Martin

Derrick Monasterio pina-follow ni Ricky Martin ng Menudo

HATAWAN!ni Ed de Leon MUKHA nga yatang ang gusto nilang palabasin ay si Derrick Monasterio na ang pinaka-sexy …

Daniel Padilla

Daniel apektado ng cost cutting

HATAWAN!ni Ed de Leon KUNG napapansin ninyo, ang maraming projects ngayon ay iyong mga baguhang love teams, …