Tuesday , July 23 2024
Marcy Teodoro, Bayani Fernando, Marikina
Marcy Teodoro, Bayani Fernando, Marikina

P7-B proyekto ng road dike, 5-story building sa Marikina, ‘inayawan’ ni Mayor Teodoro? — Cong. BF Fernando

AABOT sa P7 bilyong halaga ng mga proyekto kabilang ang konstruksiyon ng road dike at 5-palapag na gusali sa lungsod ng Marikina ang tinanggihan ng lokal na pamahalaan.

Ito ang inihayag ni 1st District Congressman Bayani ‘BF’ Fernando na deretsahan umanong tinutulan ni Marikina City Mayor Marcy Teodoro.

Unang binanggit ng kongresista ang dalawang P800-milyong budget ng road dike at 5-palapag na gusaling ilalaan ang apat na palapag bilang kulungan ng Bureau of Jail Management and Penology (BJMP).

Ayon kay Fernando, hindi sana nangyari ang malagim na hostage drama na ikinamatay ng dalawang preso at jail guard na pinaniniwalaan niyang naburyong dahil sa tulog-paniking sitwasyon sa kasalukuyang piitan.

Aniya, ang piitan ng BJMP na nasa ika-apat na palapag ng judiciary building ay may kapasidad lamang na 100 tao ngunit ngayon ay nasa 900 ang nakapiit, dahilan upang magmistulang paniki sa pagtulog ang mga bilanggo.

Ikinatuwa rin ng kongresista na natuloy ang proyekto nitong 200-bed expansion na Amang Rodriguez Medical Center (ARMC) at pitong operating room na tinangka rin umanong pigilan ni Teodoro.

Ang road dike, ayon kay Fernando, ay para laliman at palawakin ang Marikina river para maibsan ang dekada nang problema sa baha ng mga Mariqueño, at kumitil na rin ng maraming buhay sa tuwing may kalamidad.

Nang tanungin si Fernando kung ano ang konkretong dahilan bakit ito inayawan ng alkalde, ayaw umano ni Teodoro na dalawa ang guwapo sa lungsod.

Sa huli, nanghinayang ang kongresista na baka ibalik ang bilyong pondo sa Treasury at mahirapan nang makahingi ng budget sa nasyonal para sa mga proyektong ikauunlad ng lungsod.

 (EDWIN MORENO)

About Ed Moreno

Check Also

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Bulacan Police PNP

No. 1 MWP – City Level, 16 lawbreakers timbog

ARESTADO ng mga awtoridad ang anim na hinihinalang tulak ng ilegal na droga, tatlong pinaghahanap …

Leave a Reply

Your email address will not be published. Required fields are marked *