Wednesday , July 17 2024

Janus pinagbantaang matotokhang

HATAWAN
ni Ed de Leon

ISA lang ang masasabi namin doon sa nagbabanta kay Janus del Prado ng, ”malapit ka nang ma-tokhang.” Bobo iyan. Walang utak iyan. Hindi niya tinatakot ang kalaban niya, sa halip pinasasama niya ang imahe ng gobyerno dahil bakit mo babantaang matotokhang si Janus?

Iyang tokhang ay salitang Bisaya na pinagdugtong, “katok” at “hangyo.” Na ang ibig sabihin ay kakatokin at pakikusapan. Iyan ang ginawa ni Sen. Ronald ‘Bato’ dela Rosa noong pulis pa siya. Hindi ang ibig sabihin ng tokhang ay extra judicial killing o salvage, dahil kung ganoon nga ang banta ninyo, parang sinasabi na rin ninyong totoo na maraming ipina-salvage si Presidente Digong kagaya ng sinasabi ng kanyang mga kalaban sa International Criminal Court.

Nagbibigay din iyan ng isang masamang mensahe sa militar, dahil ang kanyang kinakampihan ay si Gerald Anderson na isang reservist ng Armed Forces. Gusto ba niyang palabasin na dahil doon ay madali ngang maipatokhang si Janus na kinakalaban si Gerald?

Isa pa, iyang tokhang ay ginamit nila sa mga kaso lang ng droga, bagama’t may mga napatunayang natokhang sa bintang lang o naangasan lang, kaya naman may mga pulis na nadadale rin eh, guilty.

Pero hindi nangangahulugan iyon na madali lang na matokhang ang isang tao.

Dapat iyang mga nagpo-post talaga sa social media, ginagamit naman ang kanilang utak. Pero iyon nga ang problema, hindi kailangan ang utak para makatipa sa computer at pindutin iyong ”enter.” Kaya nga maraming lumalabas na posts na alam mong hindi pinag-isipan at hindi ginamitan ng utak.

Iyan din namang usapan tungkol kina Bea at Gerald, dapat matigil na. Isang taong mahigit na issue iyang “ghosting” na iyan. Palagay naman namin nagdusa na rin sila, bumaba nang todo ang popularidad nina Gerald at Julia Barretto na hindi mo alam kung makaka-ahon nga sa serye niya sa TV5, pero palagay namin hindi rin eh. Unless magpa-sexy siya sa kanyang serye, tutal naroroon naman si Marco Gumabao. Pero ano naman ang magiging reaksiyon ni Gerald kung bold ang series ng syota niya?

Kung kami ang tatanungin ninyo, ewan bahala sila sa buhay nila.

About Ed de Leon

Check Also

Itan Rosales VMX V

Itan Rosales, hataw to the max ang showbiz career

ALAM MO NA!ni Nonie Nicasio WALANG DUDANG pambato sa mahabang listahan ng Vivamax leading men …

Itan Rosales

Itan Rosales bagong prinsipe ng Vivamax

MATABILni John Fontanilla MASAYANG-MASAYA ang guwapo at isa sa bussiest leadingman ng Vivamax si Itan Rosales dahil sunod-sunod ang …

Sheryl Cruz BF

Sheryl suwerte sa lovelife at career ngayong 2024

MATABILni John Fontanilla MUKHANG natagpuan na nga ni Sheryl Cruz ang lalaking magpapasaya sa kanya at makakasama …

Isa Sa Puso ng Pilipino GMA Station ID

Isa Sa Puso ng Pilipino lyric video available online 

RATED Rni Rommel Gonzales MATAPOS ang launch ng Isa sa Puso ng Pilipino station ID ng GMA Network na …

GMA Pictures YouTube

GMA Pictures may YouTube channel na

RATED Rni Rommel Gonzales IBANG level na ang panonood ng mga pelikulang Pinoy dahil ipinakilala …

Leave a Reply

Your email address will not be published. Required fields are marked *