HATAW! D'yaryo ng Bayan hatawtabloid.com
MADALING paniwalaan na mag-jowa na sina Maris Racal at Rico Blanco kahit malaki ang agwat ng mga edad nila: 48 years old si Rico at 23 pa lang ang ex-girlfriend ni Ynigo Pascual (na anak ni Piolo Pascual). Twenty-five years ang tanda ni Rico kay Maris.
Naging girlfriend ng singer-composer-record producer si KC Concepcion noong 18 years old pa lang si KC at halos magti-30 years old na si Rico.
Dahil nakipagrelasyon na si Rico sa isang 18 years old, ‘di na nakagugulat na nakikipagrelasyon siya uli sa isang kasingbata ni Maris.
Ang shocking ay ang pagkakagusto ni Maris sa isang lalaking pwede na n’yang maging ama sa edad. May nag-comment na nga na baka naghahanap ng father figure si Maris bagama’t buhay naman ang ama nito at wala namang balitang hiwalay ito sa pamilya ni Maris.
Ayon sa Wikipedia, Henry Racal ang pangalan ng ama ni Maris at taga-Davao ang pamilya nila. Parang kaya napadpad sa Metro Manila si Maris ay para mag-college.
Hindi mahiyaing tao si Maris. Nasa elementary pa lang yata siya ay kumakanta na siya sa harap ng madla, dahil very musical ang pamilya n’ya.
At parang aggressive rin nga siya. Ayon sa netizens na nagrepaso ng social media posts niya na may kaugnayan kay Rico, noong 2017 pa lang ay nagparamdam na siya bilang fan girl ng sikat na music man. Nasa showbiz na si Maris niyon. Noong 2015 pa siya naging ABS-CBN talent dahil nagwagi siyang second place sa Pinoy Big Brother All In.
Ang tsika n’ya noong 2017 sa isang post n’ya: ‘Hay, when will I hear Rico Blanco sing live?”
Mga dalawang beses siyang nagparamdam ng paghanga kay Rico. Sa paglaon, nag-react naman positively.
Noong December 2018, nag-collaborate sila sa isang kanta na ang naging titulo eventually ay Abot-Langit. Mula noon ay naging close na sila at mukhang naging lihim na mag-jowa. Kailangang ilihim nila dahil contract star si Maris ng ABS-CBN at itinuturing na young star. At ang mga young star ay mas mabuting ma-link romantically sa kapwa artista nilang halos kaedad nila.
At nakadududa na mauuwi sa kasalan kung totoo mang may relasyon sina Rico at Maris. Wala pang napabalitang pinakasalan si Rico.
KITANG-KITA KO
ni Danny Vibas
