Thursday , June 13 2024

Ellen Adarna, never na ikinasal kay John Lloyd (at posibleng ‘di magpakasal kahit kanino)

NEVER palang ikinasal sina Ellen Adarna at John Lloyd Cruz at ‘yon siguro ang dahilan kung bakit parang ang dali-dali n’yang nakipaghiwakay kay John Lloyd Cruz kahit na may isa na silang anak.

Nagdaos ang starlet from Cebu kamakailan ng live session sa Instagram niya na nang-engganyong magtanong sa kanya ang mga tagasubaybay  tungkol sa kahit anumang paksa sa buhay n’ya.

May nagtanong sa kanya tungkol sa paano ang buhay may-asawa.

Walang kagatol-gatol na sagot ng inactive actress: “I get a lot of questions about marriage or finding the right one. Guys, please do not ask me this because I’m not experienced. I haven’t been married, and I haven’t found the one yet. Please.”

Talaga palang hinayaan lang n’ya ang sarili n’yang magdalantao na ang pamosong aktor ang ama!

Pero pro-live-in siya. Sagot n’ya sa tanong ng netizen na: “What can you say about couples living together without marriage?”

Tugon ni Ellen sa magkakahalong Ingles, Filipino, at Cebuano: “Ako, ‘Day, pro ako ‘Day, which is me and my siblings, when we reached 18, our parents encouraged us to live with our partners so di mi magpatakag minyo kung kahibaw mi sa unsay among gusto or di.”

[“Ako ‘Day, pro ko ‘Day, which is me and siblings, when we reached 18, our parents encouraged us to live with our partners so hindi kami mag-aasawa na lamang ng ganoon para malaman namin kung ano ang gusto namin o hindi.”]

Dagdag pa niya, “Ug mao gyud tong fears sa akong papa nga magpataka mig minyo, so iyang gipatilaw, gipasabot mi niya, nga unsa man ning idea, on what it’s like to live with someone. So, ako, I’m pro live-in.”

[“Yun kasi ang kinakatakutan ng papa namin baka basta-basta na lamang kami mag-aasawa, kaya pinatikim niya, pinaintindi niya sa amin, kung ano ba itong ganitong idea, on what it’s like to live with someone, so ako I’m pro live-in.”]

Ito kasi ang itinuro ng kanyang mga magulang noong nasa legal age na silang magkakapatid. Madaling-madali nga maghiwalay ang mga nagli-live-in. Hindi na kailangang dumulog pa sa hukuman at gumastos sa abogado para ipa-annul ang kasal nila sa simbahan man o sa korte (civil wedding).

Sa totoo lang, marami ng magulang ang pumapayag nang makipag-live-in muna ang mga anak nila kaysa magpadalos-dalos na magpakasal, lalo na kung ang anak nilang babae ay may sariling career naman at may pasya rin na ‘di muna mag-aanak. O ‘di na muna dadagdagan ang nasa sinapupunan ng anak nilang babae. Ang ‘di naiplanong pagkakaroon ng anak ang nag-uudyok sa mga magulang ng mga anak na babae na pakasalan ang anak nila.

Ang mga magulang na may kaya ay ‘di pinipilit na mapakasalan ang anak nilang babae na nagdadalantao na at ituloy na lang ang relasyon sa pagli-live-in dahil kaya namang buhayin ng pamilya ang apo nila sakaling maghiwalay ang nagli-live in. Ganoon siguro ang katwiran ng mga negosyanteng magulang ni Ellen kaya hinayaan nila ito na makipag-live-in at magkaanak kay John Lloyd.

Nagko-co-parent sila ngayon sa anak nilang si Elias Modesto at parang wala namang angal si Ellen tungkol sa financial support n’ya sa anak nila. Mas maraming araw sa isang linggo na nasa poder ni Ellen and two-year-old son nila.

Parang wala pa namang napupusuan si Ellen na maka-live-in sa ngayon. Mas mapili na kasi siya ngayon. Ayaw na n’ya sa mga “immature”–bagama’t hindi naman n’ya binanggit na si John Lloyd ang pinatutungkulan n’ya.

Pahayag n’ya tungkol sa mga immature na partner: “Nadala na ako sa ganyan, ‘Day. Gusto ko talaga ng mas mature na lalaki, someone who is wiser, someone who I can learn from, dahil immature kasi ako tapos papartneran pa ako ng immature, huwag na ‘Day.”

Masaya si Ellen sa kanyang buhay ngayon kasama ang anak na si Elias.

Kamakailan, nag-mother-and-son vacation ang dalawa sa Amanpulo, Palawan.

Sa totoo lang, ang tingin namin kay Ellen ay ‘yung tipong ‘di na magpapakasal. Ewan lang kung papayag siyang magkaanak pa sa iba. Pero ‘di naman bago sa showbiz ang mga artista na may anak na iba’t iba ang ang ama. Ang buhay na ebidensiya ay si Karla Estrada na maayos naman na nabubuhay ang mga anak n’yang may iba’t ibang ama, at ang isa sa mga anak n’ya ay si Daniel Padilla.

KITANG-KITA KO
ni Danny Vibas

About Danny Vibas

Check Also

Kapuso Fans Day Independence

Kapuso stars lilibutin ang ‘Pinas sa Araw ng Kalayaan

RATED Rni Rommel Gonzales TIYAK na memorable at espesyal ang paggunita sa Araw ng Kalayaan …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Alden Richards Miss Universe MUPH

Alden ‘di raw pwedeng maging voice talent ng Waze

HATAWANni Ed de Leon NATAWA kami sa isang video sa social media. Hindi raw dapat …

Richard Gomez Lucy Torres

Richard nawala nga ba kagwapuhan at ningning nang pumasok sa politika?

HATAWANni Ed de Leon NATAWAG ang aming pansin ng comment ng dating kasamahang si Ronald Carballo na …

The EDDYS

7th EDDYS sa July 7 na; delayed telecast sa ALLTV sa July 14

MAS maningning at kaabang-abang ang The 7th EDDYS awards night ng Society of Philippine Entertainment Editors (SPEEd) ngayong 2024. …

Leave a Reply

Your email address will not be published. Required fields are marked *