Heart, nagpasilip ng boobs

MAY lihim bang pangarap si Heart Evangelista na maging sexy star din na gaya nina Lovi Poe, Maja Salvador, at Christine Reyes?

Parang. Mukhang may lihim siyang pagnanasang maging sexy star sa edad n’ya ngayon.

Nag-post siya sa Instagram n’ya ilang araw lang ang nakararaan ng litratong hubad siya at mistulang ipinasilip ang tagiliran ng isa sa boobs n’ya.

Actually, ang itaas na bahagi lang ng katawan n’ya ang nasa larawan. Nakatalikod siya sa kamera, yakap ang sarili, pero umanggulo siya na makikita nang kaunti ang isa sa boobs n’ya.

Simpleng caption n’ya sa litrato: “Treasure yourself every single day.”

‘Di kaya mismong ang mister n’yang dating senador at ngayo’y governor ng Sorsogon na si Chiz Escudero ang kumuha ng litrato?

May followers siya sa Instagram na nag-comment kung ano ang reaksiyon ng mister n’ya sa litrato n’yang ‘yon. Sagot ni Heart:  ”He told me to post it (heart emoji) he said I should be proud (heart emoji).”

Ang daring photo ng Kapuso star ay nakatanggap na rin ng mga positibong reaksiyon mula sa mga kapwa artista n’ya na sina Alex Gonzaga, Maja Salvador, Iza Calzado, at Jessy Mendiola.

Noong Sabado ng tanghali, sa isang maliit na press conference para kay Lovi Poe sa The Frazzled Cook restaurant sa Quezon City, tinanong namin siya kung ano ang reaksyon n’ya sa Instagram post na ‘yon ni Heart na nakita na pala n’ya. Tuwang-tuwa siya, gustong-gusto n’ya.

Of course, si Lovi man ay napakahilig mag-post ng mga ganoong klaseng litrato n’ya. Pero anak siya ng yumaong Da King FPJ. ‘Di siya misis ng dating senador at ngayon ay governor. At saka sexy star naman talaga siya.

Kayo, anong masasabi n’yo?

Maaari n’yong silipin ang sexy pic ni Heart sa @iamheart sa Instagram. Habang isinusulat namin ito, lagpas na sa 300,000 likes ang natanggap ng litrato.

(DANNY VIBAS)