Wednesday , July 6 2022

Nadine, napaka-positibong tao, ‘di nawindang sa hina ng Indak

HABANG tumatagal, lalong lumulitaw ang napaka-positive maturity ni Nadine Lustre. ‘Di pala tayo dapat mag-alala na nawiwindang siya sa balitang napakahina sa takilya ng pelikula nila ni Sam Concepcion na Indak.

Ayon sa reports, ang daming sinehan ang itinigil na ang pagpapalabas ng pelikula. Dumating sa puntong sa lagpas 80 sinehan na nagtanghal ng pelikula sa unang araw, mahigit na lang sa 30 ang natira noong ikatlong araw.

Kakayanin ni Nadine na tanggapin ang balitang ‘yon bilang pagsunod sa sarili n’yang payo sa madla na: ”Be kind to others, but most of all, be kind to yourself.” 

Ipinahayag n’ya ang payo na ‘yon kamakailan nang tanggapin n’ya ang award bilang Best Actress (for 2018) mula sa Young Critics Circle para sa pagganap n’ya sa Never Not Love You.

Sa Vargas Museum ng University of the Philippines idinaos ang parangal noong August 16.

Dagdag na payo pa ni Nadine sa madla sa acceptance speech n’ya: “Mahalin mo ang sarili mo dahil sa mga moment na nag-iisa ka, wala kang ibang masasandalan kundi ang sarili mo. Para sa mga pagkakataong wala nang kakampi sa ’yo, palagi mo kakampi ang sarili mo. 

“Lahat ng gagawin mo sa buhay, gawin mo nang may puso at walang sinasaktang ibang tao.”

Dagdag na paliwanag n’ya: “Para sa lahat ng mga heartbreak na napagdaanan natin, walang ibang nagdedesisyon na mag-move on tayo kundi ang mga sarili natin. 

Sa mga pagkakataon tayo ay nadadapa, tayo ang nagdedesisyon na bumangon ulit. Sa mga malulupit na challenges na dumarating sa buhay natin, nalalagpasan po natin ang mga ‘yon dahil nagpapakatatag tayo at hindi nagpapatumba, gaano pa kahirap.”

Binigyang-diin din n’ya ang kahalagahan ng paniniwala sa sarili. Aniya: “Kung mayroon mang mga pagkakataong walang naniniwala at bumibilib sa’yo, paniwalaan mo ang sarili mo. Hangga’t kilala mo ang sarili mo, wala kang kailangan patunayan sa ibang tao. 

At kung pilit ka naman nilang hahatakin pababa at babatuhin ng mga bato, huwag mo silang batuhin ng tinapay. Pulutin mo ang mga bato at gumawa ka ng palasyo.” 

‘Pag ganyan ka-positive ang isang tao, halos siguradong magiging matagumpay na matagumpay ang susunod niyang proyekto pagkatapos ng isang kabiguan.

KITANG-KITA KO
ni Danny Vibas

About Danny Vibas

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …

Leave a Reply