HATAW! D'yaryo ng Bayan hatawtabloid.com
NEVER na pinagbintangan ni Bea Alonzo si Julia Barretto na inagaw si Gerald Anderson sa kanya bilang boyfriend. Kung babalikan natin ang mga Instagram post ni Bea, madidiskubre nating ni parunggitan si Julia ay ‘di ginawa.
Sa totoo lang, walang panahon si Bea para kay Julia. Ang inuusig n’ya ay ang ngayong ex-boyfriend n’yang si Gerald na basta tumigil na lang sa pakikipag-usap sa kanya. Si Gerald ang inakusahan n’yang nagtataksil, hindi si Julia. Walang pambu-bully na ginawa si Bea kay Julia.
Ang mga netizen na showbiz followers ang nagsimulang nanlait kay Julia dahil sa umano’y patuloy na pagiging malapit nito kay Gerald kahit na naipalabas na ang pelikula nilang Between Maybe’s. Itinapat pa n’ya ‘yon sa panahong napapabalitang nagkalabuan na sila ni Joshua Garcia.
Hindi totoong pinag-aawayan nina Bea at Julia si Gerald dahil never namang inakusahan ni Bea si Julia ng pang-aagaw kay Gerald. At never din namang inamin ni Julia na boyfriend na n’ya si Gerald. Iginigiit n’yang walang third party na sangkot sa pagbi-break nila. Suwerte nga si Julia na nagpapaka-gentleman si Joshua sa pagsang-ayon nito sa kanya.
Walang punto si Julia sa bintang n’yang ginatungan (“charged” ang salitang Ingles na ginamit ni Julia) ni Bea ang madla at ang mga kapwa artista nila para magalit sa kanya. Kung ni-LIKE man ni Bea ang litrato ni Julia na kasama si Gerald sa birthday party ni Rayer Cruz, napakadisente ng ginawa n’yang ‘yon. Hindi si Bea mismo ang nag-post ng picture na ‘yon kundi ang isang netizen. Kahit ‘di i-like ‘yon ni Bea, malalait pa rin si Julia.
Baka mas makabubuti para kay Julia na huwag na munang gumamit ng kung ano mang social media. Huwag siyang magbasa at huwag mag-post.
Pero bago siya tumigil, i-post muna n’ya kung sino talaga ang ipinalit n‘ya kay Joshua. Baka tigilan na rin siya ng netizens sa panlalait kung ipagtatapat na n’ya ang katotohanan.
KITANG-KITA KO
ni Danny Vibas
