Monday , July 4 2022

Bakit ba ayaw ng DILG magbanggit ng pangalan?

NOON inianunsiyo ng DILG bago mag-eleksiyon na may mga sangkot na barangay captains, mga alkalde, gobernador at iba pang politiko, pero natapos ang eleksiyon wala rin, anyare? Ngayon heto na naman ang anunsiyo ng DILG, aalisan daw ng police supervisory powers ang may 181 alkalde at walong gobernador sa bansa. Muli hindi na naman tinukoy ang mga pangalan. Parang hinihintay na makiusap sa kanila ang local officials at kung anoman ang usapan sakaling mawala sa listahan ang pangalan hindi ko alam…

***

Ang pangunahing rason ng DILG, dahil sa pagkakasangkot sa illegal trade ng droga. Sino ang mga pulis o ang mayor o gobernador? Pareho siguro, ang pulis ang nagsisilbing courier!

Dapat binabanggit na agad. Pabitin-bitin pa itong DILG! Pero teka paano naman ang kaligtasan ni mayor at gobernador gayong mas hasa sa training ang pulisya.

Ibig ninyong sabihin malaki na ang tsansa ng mga security guard maging bodyguard/security ni mayor?

Hindi kaya sa desisyong ito ng DILG bago matapos ang termino ni Pangulong Rodrigo Duterte ay sankaterbang alkalde ang posibleng matumba? Ano sa palagay n’yo? Ala-tokhang si mayor! Tokhang si gob!

***

Sakaling mapagtibay ang menstrual leave para sa kababaihan, malaking bagay ito dahil mahirap talaga ang nakararanas ng matinding dysmenorrhea o sakit ng puson dahil sa buwanang bisita ng kababaihan.

Magandang ideya ito kaya naman masusing pinag-aaralan ito ng DOLE pero dapat mayron din medical certificate na ipapakita ang empleyada, baka kasi nenopause na palilitawin na may dysmenorrhea! Puwede ‘di ba? ‘Yun pala out of town lang at naglamyerda!

***

Sa pamagitan ng kolum kong ito, nais kong pasalamatan si Pasay City Mayor Emi Calixto-Rubiano, si Pasay City General Hospital Director Dra. Malou Ocampo at lahat ng doktor sa Department of Surgery sa pamumuno ni Dr. Wallace Medina, laking pasasalamat ko sa inyong lahat dahil sa pag-asikaso sa aking kapatid na bagama’t ‘di pa batid ang kaligtasan, sanay gabayan kayo ng ating Panginoon sa oras ng operasyon ng aking kapatid!

ISUMBONG MO
KAY DRAGON LADY
ni Amor Virata

About Amor Virata

Check Also

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

FIRING LINE ni Robert B. Roque, Jr.

Paalam, PRRD

FIRING LINEni Robert B. Roque, Jr. DALAWANG araw na lang at magwawakas na ang administrasyong …

AKSYON AGAD ni Almar Danguilan

Laban vs COVID, let’s do it again

AKSYON AGADni Almar Danguilan MARAMING magulang ang nagnanais na sana ay matuloy ang 100 porsiyentong …

Leave a Reply