Monday , June 24 2024

Kris, wish mabuo ang pamilya Binay

PINATUNAYAN ni Kris Aquino ang pagiging mabuting kaibigan kay Anne Binay nang personal na magpunta at magkaroon ng special appearance sa campaign sortie ng sinusuportahang kumakandidatong kapatid nitong sina Jun Jun at Nancy Binay sa Barangay Rizal, Makati noong May 6 ng gabi.

Tumatakbo sa pagka-mayor ulit ng Makati si Jun Jun habang re-electionist Senator naman si Nancy.

Sa seven years namin bilang magkaibigan ni Anne, never siyang humiling ng kahit ano sa akin. Kaya ngayong may request siya ay hindi pwedeng hindi ko pagbigyan. Ito na ang birthday gift ko kay Anne pati kay SenNancy. Kung sino ang sinusuportahan ni Anne roon ako sa tabi niya,” sabi ni Kris.

Nagdala pa ng birthday cake si Kris para kina Anne at Sen. Nancy, at isinama pa ang anak na si Bimby at ang singer na si Erik Santos na naghandog ng awitin.

Nasa campaign sortie rin ang ilaw ng tahanan ng mga Binay na si Dr. Elenita. Nandoon din ang tumatakbong vice mayor ni Jun Jun na si Monsour del Rosario, congressman candidate King Yabut, at mga tumatakbong councilors.

Ayon pa kay Kris, “Ang nakikita ko po sa kanila ngayon is nagmamahalan silang magkakapatid and nakita natin na kasama nila ang nanay nila. Sa akin lang po bilang nanay din, ‘pag ang nanay… sa amin po ganoon din ang pagpapalaki… nasa nanay ang huling desisyon talaga. Noong nakita ko po na nakaupo rito si Dra., alam na natin, ‘di ba? May everybody be guided well by the Holy Spirit sa kung anuman ang mangyari.”

Aware si Kris sa labanan sa politika sa pamilya Binay lalo na sa magkapatid na sina Jun Jun at Abby na parehong Tumatakbo sa pagka-mayor. Kaya may hiling si Kris para sa pamilya Binay tulad ng hiling ni Sen. Nancy. “Kasi I watched Nancy’s interview and pati ako naluha noong sinabi niya na ang pamilya pagkatapos ng politika, pamilya pa rin. So sana iyon po ang mangyari para sa kanila.”

Biniro pa ni Kris si Anne. “Anne, sa 2022 para wala na lang gulo, ikaw na ang tumakbo.”

ni GLEN P. SIBONGA

 

About Glen Sibonga

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *