Saturday , December 4 2021

Anne, pinakamatinong showbiz idol ng 2018

DALAWANG transpormasyon ang magaganap kay Anne Curtis sa taong ito. Actually, naganap na ‘yung isa, ang pagiging “action queen” n’ya.

Ibinalik na sa mga sinehan ang Buybust na halos wala siyang ginawa kundi makipagbakbakan nang makipagbakbakan.

Tumitipak din naman sa takilya ang pelikula.

Ayon sa direktor nitong si Erik Matti, naka-P97-M na ang kita ng pelikula worldwide. Ibinalita ‘yon ni Direk sa Instagram post n’ya. “Worldwide” ang kita dahil naipalabas din sa ibang bansa, pati na sa international festivals, ang pelikula. Dalawang beses ngang nangibang-bansa si Anne para dumalo sa mga festival.

May expectations na aabot din sa P100-M ang gross receipts ng Buybust.

Samantala, malamang na sa mga sinehang nagtatanghal ng Buybust ngayon ay ipinalalabas din ang trailer ng Aurora, isang horror-thriller sa direksiyon ng balik-pelikulang si Yam Laranas.

Una naming napanood ang trailer sa sinehang pinanooran namin ng A Day After Valent­ine’s na produk­siyon ng Viva Films, co-producer ng  Buybust at Au­rora.

Approved na ang Aurora bilang official entry sa Metro Manila Films Festival 2018. Naaprub ito batay sa isinumiteng script. Kaya, opo, magiging “horror-thriller queen” naman si Anne sa panahon ng Kapaskuhan, na panahon din ng MMFF sa bansa. (Of course, sanay na ang ma­dlang Pinoy na manood ng horror movies during Christmas season.)

Samantala, kapag nanood kayo ng Buybust, huwag n’yong isiping realidad ang pinanonood n’yo. Lik­hang-sining lang ang lahat ng violence sa pelikula. Ipinlano, inensayo, inuulit ‘pag may palpak, at kinukunan ‘pag perpekto na.

Hindi totoong may isang buong slums (squatters’ area) sa bansa na nanlaban sa drug enforcers at nagpatayan mula sila gabi hanggang umaga na siyang ipinakikita sa pelikula.

Matagumpay din nga pala ang solo concert ni Anne na Anne Kulit sa Smart Araneta Coliseum. Ultimong si Maine Mendoza ng Eat Bulaga ay nag-enjoy sa panonood ng hit na hit na show.

Si Anne nga siguro ang pinakamatagumpay na showbiz idol ngayong 2018. Happily, deserve naman n’ya ang lahat ng tagumpay n’ya. At napakatino n’yang tao. Walang bisyo. Walang kagalit. Walang hinahamak.

KITANG-KITA KO
ni Danny Vibas


Target box office income ng PPP, hindi naabot
Target box office income ng PPP, hindi naabot

 

About Danny Vibas

Check Also

Blind Item, showbiz gay, male stars models

Maimpluwensiyang showbiz gay trip i-video ang kakaibang ‘date’

HATAWANni Ed de Leon ANG lakas ng loob ng isang showbiz gay. Mukhang marami na siyang naiipong pictures at …

Tony Labrusca

Tony Labrusca bumaba ang popularidad

HATAWANni Ed de Leon NAPANSIN lang namin, mukhang napakabilis yata ng pagbaba ng popularidad ni Tony Labrusca. May …

James Reid Nadine Lustre Jadine Ikea

Career nina James-Nadine mag-survive kaya kahit hiwalay na?

HATAWANni Ed de Leon NAKITA sina James Reid at Nadine Lustre sa isang shop noong isang araw, pero maliwanag namang hindi sila magkasama. …

Albie Casino, Andi Eigenmann, Jake Ejercito

Albie milyon ang nawala dahil kay Andi

MA at PAni Rommel Placente NAIINTINDIHAN na namin kung bakit hanggang ngayon ay galit at …

Blind Item, Man Woman Fighting

Aktor at aktres panay ang dyombagan

FACT SHEETni Reggee Bonoan AWAY-BATI ang drama ng magkarelasyon na ito at matindi silang mag-away dahil …

Leave a Reply