Saturday , February 4 2023

Huramentado ni Bantay!

00 Asar TaloAMMAN, Jordan—Habang nagkakasiyahan kami ng ilang kaibigan para ipagdiwang ang aking kaarawan noong Oktubre 9 ng gabi ay tumawag sa aking maybahay itong si Dionisio C. Daluyin, Jr., ang presidente ng Bantay at Kasangga ng OFW Int’l, Inc. Jordan Chapter. Tumawag siya at nagagalit daw sa aking maybahay dahil daw sa aking mga isinusulat tungkol sa nefarious activities ng kanyang grupo.

Ipinasa ng aking misis ang telepono sa akin at nang makausap ko itong hindoropot na Daluyin ay nagagalit na tinatanong ako kung ano raw ang gusto kong mangyari. Inakusahan pa akong hindi ko raw sinasagot ang pagtawag sa aking telepono ng founder at chairman ng Bantay na tinatawag niyang “Lawin”. Ang Lawin na kanyang tinutukoy ay ang isa pang hindoropot na Albert Lawin Guanzon, na umani ng napakaraming reklamo dahil sa kanyang binaboy at binastos ang distressed overseas Filipino workers sa Saudi Arabia.

S’yempre, nagkasigawan kami nitong si Daluyin kasi bukod sa pananalita niyang nakakalalaki, e, misis ko ang kanyang kinagalitan gayong ako ang dapat niyang kausapin at harapin. Kinausap niya ako sa telepono pero kung ang paghaharap ang pag-uusapan ay tila imposibleng mangyari dahil, ehem, hindi yata siya nakahandang makipag-basagan ng mukha! Hehehe. Biro lang po!

Gayupaman, walang nangyari sa aming sigawan kundi nabulabog lang ang aming kasiyahan ng konti. Pero natuloy ang kasiyahan at lalong naging masaya dahil ipinagdiwang na rin namin ang malamang duwag pala ang animal na Daluyin na matapang lang sa telepono!       Hoy, Mr. President, kahit saang lugar ay haharapin kita. Lalo na saan mang forum para mapatunayan ko sa lahat na totoo ang mga isinusulat kong hinayupak na operasyon ng iyong Bantay at Kasangga!

Abangan!

***

Nalaman ko na ang pambababoy at pambabastos nitong si Bantay at Kasangga founder Albert Lawin Guanzon ay nagsimula sa kanyang panloloko sa distressed workers.

Ipinakalat niya ang kanyang numero doon sa Al-Khobar at iba pang lugar sa Saudi para raw makalapit sa POLO o yaong Philippine Overseas Labor Office.

Pero nang tawagan ng workers ang naturang numero ay impiyerno pala ang kanilang patutunguhan.

Dito sa Amman, totoo bang may isang OFW na lumapit kay Dionisio C. Daluyin, Jr. para humingi ng kanyang tulong at kanya ring “inasawa”? Nagtatanong lang po!

Alamin!

***

Noong Oktubre 10, nakita ko sa aking cellphone na may mensahe sa akin itong si Albert Lawin Guanzon. May mga tinanong siyang maayos kong sinagot.

Sa kanyang sumunod na mensahe ay nagbabanta na siya at sinabi pa sa akin na pinagsabihan” na niya ang editor ko. Rumehistro agad sa aking isipan na pinagalitan niya ang aking mga editor dito sa Hataw at sa isang weekly tabloid aking pinagsusulatan din.

Tanong niya sa akin kung bakit daw isinusulat ko pa ang kaso laban sa kanya na tapos na. Sus, ginoo!

Alam n’yo, mga padrino ko, nagsimula ang kalbaryo ng distressed workers at ang kanilang “bangungot” sa kamay ni Guanzon at kanyang mga galamay sa Bantay at Kasangga dahil sa kanyang panloloko.

At napakalinaw na hanggang ngayon ay pinagloloko pa rin niya ang lahat dahil sa kanilang Facebook page ay makikitang itong si Guanzon at nakasuot ng uniporme ng opisyal ng militar. At ang isa ay nakasuot siya ng Saudi attire na tila ba kagalang-galang.

Bukod dito, nakalagay pa na rehistrado sa Philippine Embassy doon ang kanyang grupo gayong hindi ito nakarehistro.

Ang tanong ko ay kailan naging opisyal ng militar o pulis itong si Albert Lawin Guanzon? Kung totoong naging opisyal nga siya ng military o pulis ay ano ang nangyari sa kanya at naging dispatser na lamang siya sa isang bus terminal doon sa Dammam? At bakit nakalagay na rehistrado ang kanyang grupo sa embahada gayong hindi naman pala?

Kung hindi ito masagot ni Guanzon ng maayos ay patunay ito na patuloy siya sa kanyang panloloko.

Alamin!

ASAR TALO – Dodo R. Rosario

About Dodo Rosario

Check Also

AKSYON AGAD ni Almar Danguilan

 ‘Pangil’ ng LTO,  nagagamit na sa tamang paraan

AKSYON AGADni Almar Danguilan KAPANSIN-PANSIN ngayon ang ‘tapang’ ng Land Transportation Office (LTO) sa mabilisang …

Dragon Lady Amor Virata

LGUs Laging Walang Pondo

Isumbong mokay DRAGON LADYni Amor Virata SAKIT na yata ng local government units (LGUs) na …

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

FIRING LINE ni Robert B. Roque, Jr.

Ang problema ng shortcuts

FIRING LINEni Robert B. Roque, Jr. ANG nakababahalang apela ni Secretary Benhur Abalos sa lahat …

AKSYON AGAD ni Almar Danguilan

Nakalilitong pasahe sa EDSA Bus Carousel, inaksiyonan na Guadiz

AKSYON AGADni Almar Danguilan DISYEMBRE 31, 2022, nagtapos ang maliligayang araw ng mga pasaherong suki …

Leave a Reply