Monday , May 27 2024

Sto Niño bridge sa Parañaque delikado na

Dragon LadyDELIKADO nang dumaan sa tulay ng Sto. Niño na nag-uugnay sa Barangay La Huerta at Imelda Ave., lungsod ng Parañaque, dahil posibleng bumigay ito sa tagal nang panahon na ginawa ito.

***

Agad inatasan ni City Administrator Fernando Soriano ang City Disaster Risk Reduction Management Office (CDRRMO) head na si Dr. Ted Gonzales upang magtalaga ng mga tauhan na magbabantay sa malalaking upang pigilan ang mga trak na daraan sa nasabing tulay. Lalo na ‘yung may bigat sa mahigit 5,000 tons dahil unti-unti umanong bumibigay ang ilalim ng tulay.

***

Nagsagawa ng rerouting sa nasabing lugar, at pansamanatalang binuksan ang harang patungong Multinational Village, para pansamantalang daanan ng malalaking trak patungong South Superhighway na daraan sa Moonwalk, palabas ng Better Living Subdivision sa Bicutan.

***

Dahil matagal na ang nasabing tulay, nagpapahiwatig na anomang oras ay bumagsak ito. Alerto talaga si City Admin, wala akong masabi!

Buwagin ang NFA, NIA at NEA

Tama lang at may katuwiran si Cabinet Secretary  Leoncio Evasco, Jr.,  na buwagin ang National Food Authority (NFA), at dapat na lamang isailalim sa pangangalaga ng Department of Agriculture ang trabaho ng NFA.

Alam nang lahat na ang ahensiya ng NFA ang isa sa pinakamaanomalyang ahensiya, lalo kung may kaugnayan sa bigas.

Sakaling matuloy ito, malaki ang matitipid ng gobyernong Duterte, bagama’t maraming empleyado ang mawawalan ng trabaho. Pero puwede naman ilipat sa ibang ahensiya ng gobyerno.

***

Gaya ng National Irrigation Administration (NIA), puwede na rin sa pangangalaga ng Department of Public Works and Highways (DPWH) at ang National Electrification Administration (NEA) isama na sa Department of Energy. Mas lalong makatitipid ang pamahalaan. Ano sa palagay ninyo mga ‘igan!

Burol sa kalye Bawal na

Hindi lamang mga traysikel, pushcarts, kuliglig, pedicabs, ambulant vendors ang bawal sa mga pangunahing lansangan, maging ang burol ng mga patay ay ipinagbabawal na rin.

Ito ang nakapaloob sa inihaing House Bill 2561 ni Surigao del Norte Rep. Robert “Ace” Barbers, sakaling mapagtibay ng Kamara. Hindi dapat gawing burulan ang mga kalye. Kaya naman ibinuburol sa kalye, mas may espasyo, at malayang makapag-o-operate ang Sakla-Patay!

MGA SQUATTER NA INILIPAT
SA CAVITE NAGBEBENTA NG BAHAY

Magugunita noong nakalipas na taon ay inalis ng MMDA ang mga squatter na nakatitik sa mga tabi ng creek at sila ay binigyan ng relokasyon ng NHA.

Nakaabot sa ating kaalaman, marami na ang nagbebenta ng kanilang bahay at ang iba naman ay pinauupahan at muli nagsibalikan sa Maynila.

Dapat ay magsagawa ng census ang NHA, kung nasaan ang kanilang nabigyan ng award sa relocation site, siguradong wala na ang mga pangalan na nakalista at iba na ang nakatira!

Meron nga raw, tatlong bahay na ang nabili!

ISUMBONG MO KAY LADY DRAGON – Amor Virata

About Amor Virata

Check Also

Dragon Lady Amor Virata

Hindi lahat ng huwes ay matino

Isumbong mokay DRAGON LADYni Amor Virata SA HALIP na magkaloob ng hustisya at protektahan ang …

Sipat Mat Vicencio

Tigas ng mukha ni Senator Bato

SIPATni Mat Vicencio “TO Bato dela Rosa, who stuck it out with me to the …

00 Onins Thought Niño Aclan Logo

Cyberlibel vs Tony Leachon ‘resulta’ ng iresponsableng  pahayag sa social media

ONIN’s THOUGHTSni Niño Aclan MAHIRAP talagang masanay na isang social media icon lalo na kung …

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

FIRING LINE ni Robert B. Roque, Jr.

Day care centers para sa matatanda

FIRING LINEni Robert B. Roque, Jr. WALA sa kultura ng mga Filipino ang paglalagak sa …

Leave a Reply

Your email address will not be published. Required fields are marked *