Sunday , February 25 2024

Kiray, puwede nang bansagang Comedy Princess (Brix, BF ng komedyana)

NAGING box-office success ang Love Is Blind ni KirayCelis with Derek Ramsay kaya binigyan agad nina Mother Lilyat Roselle Monteverde ang young comedienne ng followup movie na I Love You To Death with Enchong Dee under Regal Films.

Marami ang natuwa sa biggest break na ibinigay ng mag-inang Monteverde. Deserving namang maging bida si Kiray dahil totoong nakaaaliw siyang panoorin at magaling sa comedy. May timing lalo na kapag eksena na niya ang kukunan. Walang pakialam kahit ano ang ipagawa sa kanya ng director.

Okay lang kay Kiray na magsirko, mag-tambling kung kinakailangan sa eksena. Ang maganda sa kanya, walang arte sa katawan, palaging ibinibigay ang best for the viewing public para sulit ang kanilang ibinabayad.

Si Kiray ang malaking factor kaya kumita ang Love Is Blind nila ni Derek. Super kaming nag-enjoy sa panonood sa nasabing pelikula. Tunay nga siyang alagad ng sining. Masasabi naming si Kiray ang Young  Comedy Princess ng bagong henerasyon.

Sabi nga ng yumaong blockbuster director na si Wenn V. Deramas na nakatrabaho ni Kiray sa TV at pelikula, marami pa ng puwedeng ibigay si Kiray pagdating sa comedy. Bilib si Direk Wenn sa kanya kaya madalas niya itong kunin sa TV at pelikula.

Palibhasa magaling na comedienne si Kiray  kaya napansin ang husay niya. Nagbunga  ang pagtitiyaga niya na maging isang sikat na artista.

Bida na siya ngayon sa pelikula nila ni Enchong. Unti-unti ng nararating ng young star ang kanyang mga pangarap.

Brix, BF ng komedyana

Masasabing blessed si Kiray, umaariba ang career at happy sa kanyang love life sa piling ng kanyang babe na si Brix, personal  assistant ni Direk Deramas. Guwapo, simpatiko at tipong artistahin ang dating.

Para kina Kiray at Brix, gusto nilang maging private ang kanilang personal life para raw walang intriga kaya never ipinagmalaki ng dalaga na may boyfriend na siya. Tanggap ng parents ni Kiray ang relationship nila ni Brix.

Kilala namin ng personal ang dyowa ni Kiray, mabait ito, maunawain at very supportive sa kanya . At first, hindi kami makapaniwala na boyfriend ni Kiray si Brix. Akala namin nagbibiro lang ang kausap namin. Mismong si Direk Wenn ang nag-confirm na mag-dyowa nga ang dalawa.

Inamin ni Brix na sila na nga ni Kiray pero ayaw nilang ipag-ingay dahil baka maapektuhan ang showbiz career ng dalaga. Years na rin silang magkarelasyon.

Naiintindihan ni Brix ang status ni Kiray.  Kailangan nitong magtrabaho para sa pamilya at sa magandang kinabukasan ng kanyang mga kapatid. Maka-pamilya rin si Brix kaya nauunawaan niya ang dalaga.

Sabi nga ni Brix, ‘yung kagandahan ng puso ni Kiray at pagiging totoo sa sarili ang nagustuhan niya rito.

ANIK-ANIK – Eddie Littlefield

About Eddie Littlefield

Check Also

Anthony Davao

Pamangkin ni Ricky na si Anthony Davao may K magpa-sexy

RATED Rni Rommel Gonzales WALA pa sa showbiz ay nakakasama na namin ang Vivamax actor na si Anthony …

Beauty Gonzales Kelvin Miranda

Beauty Gonzales wala ng balak mag-anak pa—Gusto ko rin magpa-bebe

WALA na raw balak mabuntis at magka-anak pang muli ni Beauty Gonzales. Masaya na ito sa nag-iisa …

McCoy de Leon Elisse Joson Felize

McCoy sobrang nasorpresa sa birthday party na inihanda ni Elisse 

MATABILni John Fontanilla NAGPAPASALAMAT ang guwapo at mahusay na aktor na si McCoy de Leon sa surprised …

Rhea Tan Beautéderm

Rhea Tan ibinahagi tips sa matagumpay na negosyo

MATABILni John Fontanilla MATAGUMPAY ang ginawang Chinese New Year at 1st Anniversary ng kanyang seven …

Martin del Rosario Liezel Lopez

Martin del Rosario non-showbiz ang mas feel maging GF

RATED Rni Rommel Gonzales LOVELESS pa rin si Martin del Rosario. “Single pa rin, pero nagdi-date …

Leave a Reply

Your email address will not be published. Required fields are marked *