HATAW! D'yaryo ng Bayan hatawtabloid.com
MAGING si Kathryn Bernardo ay may kakaibang attitude rin kapag may shooting, kuwento pa ng aming source.
Feeling beautiful daw ito tuwing darating sa set. Alam naman kasi niya na hindi siya kagandahan kaya idinadaan na lang nito sa heavy make-up with contact lens plus fake eyelashes. Sa set nga raw maya’t maya raw ang re-touch ng kanyang make-up artist kahit hindi pa niya eksena.
Tulad nang pagyayari sa isang pelikulang ginawa nila ni Daniel Padilla. Ang role niya ay isang student na simple lang ang beauty kaya siya nagustuhan ni Daniel.
May eksena ang dalawa na kailangang halos walang make-up ang young actress. May mga close-up scene sila ng young actor plus solo shot niya habang nagda-dialogue.
Before the take, rehearsal muna sina Kathryn at Daniel sa eksenang kukunan. Nang actual take na, lapit agad ang personal make-up artist ng dalaga para i-retouch ang make-up nito. Napansin ng director sa monitor ang eyelashes ni Kathryn, over yata sa mascara kaya pinatanggal ang fake na pilikmata dahil ang pangit tignan sa screen. Deadma lang ang young actress, para raw wala itong narinig.
Hindi tuminag sa kanyang kinatatayuan si Kathryn, naka-simangot daw ito na para bang nagmamaktol.
Para matapos na lang ang eksena, hinayaan na lang daw ng director sa gusto nitong mangyari.
ANIK-ANIK – Eddie Littlefield
