HATAW! D'yaryo ng Bayan hatawtabloid.com
HATAWAN
ni Ed de Leon
OVER lunch, iyon nga ang pinag-uusapan namin ng ilan pang mga kritikong naroroon, ano-ano ba talagang continents iyon? Mas mahalaga ba iyon kaysa napanalunang best actress ni Jacklyn Jose sa Cannes na siyang pinaka-malaking festival?
Nang matapos ang pelikula, iyon ay sinalubong ng isang malakas na palakpakan ng mga audience, kaya naman tuwang-tuwa si Ate Vi at sinasabing maski siya, habang nanonood ay nakita niyang ang pelikula palang ginawa 22 years ago ay nananatiling relevant hanggang sa kasalukuyang panahon.
Iyon pa ang lumabas na isang magandang balita, ang naging masigasig kasi sa restoration ng mga klasikong pelikula ay ang ABS-CBN. Kasi matapos ang power grab noon sa EDSA, nawala na ang ECP na siyang unang nag-restore ng mga klasikong pelikula. Ang masakit pa, palibhasa hindi sila ang gumawa at walang muwang sa sining, pinabayaan lang nila ang Manila Film Center na natural nasira, pinasok ng tubig dagat, at nadamay pati na ang mga restored films. Karamihan ng mga restored films ay gawa nila dahil pinakikinabangan naman nila at nailalalas sa kanilang cable channels. Pero natigil ang lahat ng iyon nang mawalan ng prangkisa ang ABS-CBN bilang isang broadcasting network. Ang broadcasting pa rin kasi ang una nilang pinagkukunan ng pinagkakakitaan na siya namang itinutustos sa mga proyektong hindi masyadong kumikita pero kailangan, gaya nga ng restoration ng pelikula.
Sa talk back, naibalita ni Ate Vi na kasama ang grupong Aktor Ph. nakipagkita sila kay First Lady Liza Araneta Marcos sa Malacanang at nangako iyong tutulong sa industriya ng pelikulang Pilipino kabilang na ang restoration ng mga klasikong pelikulang Pilipino, na umaabot sa hanggang P6-M ang gastos ngayon bawat pelikula na hindi naman pagkakakitaan at hindi na mababawi. Pero kailangang gawin bilang bahagi ng preservation ng sining at kultura ng bansa. Natutuwa naman sila na si First Lady ay kinikilala ang pelikula bilang isang sangay ng sining na kailangang tulungan. Kaysa nga naman ang pera ng gobyerno ay napupunta lang sa “piatos”, “oishi” at kung ano-ano pa.
