Friday , July 19 2024
Willie Revillame The EDDYS

2  malalaking event magaganap sa June 14

HATAWAN
ni Ed de Leon

SA Biyernes June 14, sinasabing ihahayag na ng SPEEd (Society of Philippine Entertainment Editors) ang mga nominees nila para sa ikapitong The EDDYS na gaganapin sa Hulyo 7 na mayroong delayed telecast sa ALLTV sa July 14 at hindi sa isang pucho-puchong website lamang.

Sinisiguro rin nilang ang batikang director na si Eric Quizon, na siyang mamamahala ng kanilang awards night ay hindi makikialam sa pagpili ng mga mananalo, hindi magiging presentor ng awards kahit na may karapatan naman siya dahil siya ay sikat at kinikilalang actor at hindi magkakaroon ng litanya ng kanyang mga award na napanalunan kung sakali at mabanggit ang kanyang pangalan. Hindi naman kasi hungry for recognition si Eric.

Kasabay din niyon, sinasabi rin ng aming kaibigang si Leila Chikadora, na sa Hunyo 14 ay magkakaroon din ng official announcement ng Wilcom back. Ibig sabihin, ang pagbabalik ni Willie Revillame sa TV5kasunod ng noontime show na Eat Bulaga. Malaking bagay iyan dahil tiyak ang pagbatak niyan ng audience sa noontime television.

Iyan ang dalawang kailangan nating abangan sa Hunyo 14. Dalawang malalaking event iyan. Eh sa amin naman kasi ang inaabangan lang naming awards ay iyong The Eddys eh, kasi roon na lang kami may natitirang tiwala. Hindi na kami interesado sa ibang awards na alam naman nating ibang klase ang labanan at ang mga namumuno ay mga “working pro” na mga artista, kaya natural na ang kliyente nila ang pipilitin nilang manalo. Kung hindi man kung sino ang may pinaka-malaking “give.” May mga award namang palasak iyang ganyan kaya walang naniniwala sa mga iyan kundi iyong mga nanalo sa paraan man ng lagayan o ibang paraan.

Hindi naman maikakaila iyan dahil common knowledge na iyan sa showbusiness. Mayroon pa nga silang member na sinuspinde noon, “kasi hindi raw ibinigay sa kanila at kinaltasan iyong inilagay ng tatay niyong female star.”

Mayroon pa ngang tuwirang sinabi sa radio na naglagay siya pero na-double-cross siya ng mga kausap niya kasi may nag-give ng mas malaki. Pero hindi makasagot ang mga pinagsabihan, kasi totoo naman. Kaya kami, The Eddys na lang ang pinaniniwalaan namin eh kasi kilala namin ang integridad ng mga miyembro, at kung mayroon mang questionable riyan isa lang, kaya wala ring magagawa.

About Ed de Leon

Check Also

50th MMFF

Ika-50 taon ng MMFF ipagdiriwang

INILUNSAD ng Metro Manila Film Festival (MMFF) ang pagsisimula ng ginintuang jubilee noong Hulyo 16, 2024, sa …

Jo Berry Lilet Matias Attorney At Law

 Lilet Matias gustong ipagtanggol ng netizens

RATED Rni Rommel Gonzales TINUTUKAN ng mga Kapuso ang pagbawi ng mga inaapi sa hit …

Asawa Ng Asawa Ko naka-1 billion views na

RATED Rni Rommel Gonzales CERTIFIED bisyo ng bayan gabi-gabi ang hit GMA Prime series na Asawa …

Widows War

Biggest murder mystery series ng GMA may 100 million views na

RATED Rni Rommel Gonzales  HOOK ang taumbayan sa biggest murder mystery series ng taon, ang Widows’ …

Vic Sotto Playtime

Bossing Vic nag-Playtime

SHOWBIZ KONEKni Maricris Valdez Nicasio ANG bongga naman ng isang gaming apps dahil nakuha nila ang …