Kapamilya muling nagpapalaki ng imahe, nakahanap ng kakampi sa AllTV

HATAWAN
ni Ed de Leon

NAPANSIN ba ninyo iyong bagong station ID ng Kapamilya channel? Bale dalawang shows lang ang kasama roon iyong Showtime at ASAP. Kasi nasa dalawang show lamang na mga iyon ang lahat ng kanilang mga artista. Maliban naman sa serye ni Coco Martin ano pa bang serye nila ang napag-uusapan?

Ngayon nagpapalaki na naman sila ng image dahil nakakuha na naman sila ng matatakbuhan, iyong All TV, na maski na hindi kanila, dahil wala namang shows doon makokopo nilang lahat.

Kaso saan ba nila ipalalabas ang Showtime, sa GMA o sa All TV? Hindi papayag ang GMA na makahati pa sa kita nila ang All TV. Kung hindi naman anong noontime show ang gagawin ng ABS-CBN para makalaban ng Showime at hindi naman sila magmukhang tanga sa bago nilang nakopong estasyon?

Kaya pa ba nilang mamuhunan sa isang bagong show eh ayon sa report nila  nalulugi na nga sila sa operations nila bilang content producer?

Isa pa kailangang kausapin pa nila ang pinagkakautangan nilang tatlong banko para palawigin pa ang loans nila dahil kung hindi mangyayari iyon tuluyan nang masasara ang ABS-CBN. Sa laki ng utang nila, ano pa nga ba ang matitira sa assets nila?