HATAW! D'yaryo ng Bayan hatawtabloid.com
HATAWAN
ni Ed de Leon
GRABE pala ang naging katapusan ng sikat na Sex Bomb noon ano.
Ngayon lang lumabas ang totoo sa isang interview ni Rochelle Pangilinan. Nagkaroon pala ng hindi pagkakaintindihan noon ang manager nilang si Joy Cancio at ang management noon ng Eat Bulaga. Basta isang araw, galing sila sa isang taping at walang advice na dumiretso sila sa Eat Bulaga. Pero dahil alam naman nila ang kanilang reponsibilidad bilang mga dancer ng show at ang katotohanan na hindi naman sila sisikat ng ganoon kundi dahil sa show, nagkasundo silang magpunta. Pero bago sila nakarating sa studio, natawagan sila ng manager na si Joy, at hindi na nga sila nakapunta sa EB.
Matapos ang ilang araw nagulat na lang sila na nagkaroon ng contest para sa mga baguhang dancers. Iyong mga nanalo, na mga mas bata at magaganda rin ay binuo ng Eat Bulaga na isang grupo, iyong EB Babes. Iyon na ang ipinalit nila sa Sex Bomb.
Ang naipit, ang Sex Bomb hanggang sa nagkahiwa-hiwalay na nga rin sila at na-disband na ang grupo. Sayang dahil sumikat lahat iyang mga nasa Sex Bomb at noon basta sinabing Sex Bomb dancer aba eh matindi iyan. Pero dahil lang sa isang simpleng misunderstanding ay nangyari ang ganoon.
