HATAW! D'yaryo ng Bayan hatawtabloid.com
HATAWAN
ni Ed de Leon
NAKITA namin ang mga picture, ang saya-saya ni KC Concepcion kasama ang papa niyang si Gabby Concepcion at ang kapatid na si Samantha noong New Year. Maliwanag iyan na mas masaya nga si KC kasama si Gabby.
Sa statement naman ni Sharon Cuneta, bagama’t gusto sana niyang makasama rin si KC sa panahon ng Pasko, kung ang choice niyon ay sumama kay Gabby at masaya siya roon ay ok lang.
Siguro nga dahil mas nakakasundo niya ang asawa ni Gabby at happy siyang kasama ang mga magaganda niyang kapatid. In fairness masaya sila sa mga picture na walang putol ang ulo.
Simula naman noong magbalik si Gabby mula sa US, talagang mas madalas silang magkasama ni KC kahit na anong okasyon iyon. Sinasabi rin naman ni Gabby na kahit na pantay-pantay ang tingin niya sa lahat ng kanyang mga anak, siyempre iba pa rin ang panganay, at saka bakit nga ba hindi eh sila ni KC ang magkamukhang-magkamukha talaga.
Nakatutuwa iyang ganyang nakikita mong masaya at nagkakasundo sila sa isang pamilya ng walang pagkukunwari.
