Wednesday , October 4 2023
Aga Muhlach Andres Muhlach

Kahit mas gwapo at pinagkakaguluhan
POPULARIDAD NI AGA ‘DI KAYANG ABUTIN NG ANAK NA SI ANDRES

HATAWAN
ni Ed de Leon

MARAMI ang nakapansin, pinagkakaguluhan na rin nila ang poging anak na lalaki ni Aga Muhlach, si Andres. Mukhang mas napapansin pa siya ng mga tao kaysa maganda niyang kakambal na si Atashana na artista na rin. Hindi siya halos napapahinga, lahat gustong makipag-selfie. 

Pero marami rin naman ang nakakapansin, pinagkakaguluhan pa rin ang tatay niyang si Aga na nagsasabi ngang, “I’m now 54.” Pero kahit na sabihin mong 54 na siya, hindi rin naman kasi nagbago ahg hitsura niya simula noong siya ay 14 years old sa Bagets, medyo tumaba nga lang ng kaunti. Pero si Aga, nananatiling favorite matinee idol of all time, kahit na tanungin ninyo si Maricris Nicasio.

Kung kami ang tatanungin, oo pogi rin si Andres, pero hindi niya kayang abutin ang naging popularidad ng tatay niya noong araw. Bago pa man mailabas ang pelikula nilang Bagets, nabaliw na ang fans kay Aga. 

Iyong trailer pa lang ng pelikula nila, pumapasok ang tao sa sine, hindi para panoorin ang palabas na pelikula kundi para makita lang ang trailer na nagsasayaw si Aga. At sa loob ng sinehan, maririnig mo silang nagtitilian. Sa pelikula, may isang eksena si Aga sa swimming pool, at maski na nga iyong suki namin sa video rental noon, sinasabing ilang kopya na ang nagawa niya sa pelikula dahil sa tuwing nagsasauli ang mga nagrenta gasgas ang eksenang iyon. Ibig sabihin, paulit-ulit na pinanonood at inire-rewind para makitang muli kaya gasgas ang tape.

SI Aga rin lang iyong nakita naming pati poster ng pelikula binibili ng fans. Talagang gumawa na sila ng sobra at ipinagbili na nila para mabawi naman ang gastos sa pagpapagawa dahil ang poster ay ninanakaw sa lobby display ng pelikula.

Iba ang naging dating ni Aga noong 1984. Isa siyang phenomenon. May isa kaming kuhang litrato ni Aga noon na inalok kami ng isang photo finishing company, babayaran kami basta pumayag na gumawa sila ng kopya noon at mai-display ng kanilang shops. Hindi naman kami pumayag dahil ang feeling namin ‘di para na rin kaming isa sa mga photographer na nagbebenta ng pictures sa bangketa. Uso iyon noong araw eh.

Kung  kami ang tatanungin, iba pa rin ang dating ni Aga. Iba talaga ang kanyang mukha, at sinasabi namin si Aga ang pinaka-pogi sa lahat ng naging artistang Muhlach. Hindi siya malalampasan kahit ng kanyang anak na si Andres. Ano ang say mo Maricris? (Ha ha ha—Ed)

About Ed de Leon

Check Also

Maricel Soriano Roderick Paulate LA Santos

LA nakipagsabayan ng acting kina Roderick at Maricel, In His Mother’s Eyes dadaanin sa dasal para makapasok sa MMFF 2023

ALAM MO NA!ni Nonie Nicasio IBANG klaseng kurot sa puso ang naramdaman nang mga nakapanood …

Pete Bravo Cecille Bravo

Celebrity Businesswoman Cecille Bravo natupad pangarap na jingle ng kompanya

MATABILni John Fontanilla NAG-UUMAPAW sa kasiyahan at ‘di naiwasang maluha ng celebrity businesswoman at philanthropist …

 Robin Padilla, Mariel Rodriguez

‘Junior’ ni Robin nag-hello sa live online selling ni Mariel 

MATABILni John Fontanilla USAP-USAPAN at trending sa social media ang aksidenteng pag-hello ng  “junior” ni Sen. Robin …

Troy Montero Aubrey Miles Rocky

Pagkawala ng FB page ng anak nina Troy-Aubrey ‘di makatarungan

PUSH NA’YANni Ambet Nabus WE feel for Troy Montero and Aubrey Miles dahil sa ginawang pag-unpublish ng Facebook sa page ng …

KD  Estrada Alexa Ilacad

Proposal ni KD kay Alexa pinag-usapan

PUSH NA’YANni Ambet Nabus NANGGALING naman sa Bicol sina KD Estrada at Alexa Ilacad (plus iba pa) dahil pinasaya …