Wednesday , July 24 2024
Richard Gutierrez

Richard Gutierrez totoong Primetime King

HATAWAN
ni Ed de Leon

OKEY lang daw kay Richard Gutierrez na gumawa ng show ulit sa Kapuso Network na roon siya nagsimula. Aba kung iisipin sa

Kamuning naman nagsimula ang kanyang career nang gawin niya ang Mulawin at doon siya sumikat. Labing isang taon din siyang naging bida sa mga top rating series ng network. 

Kung iisipin mo, siya ang totoong Primetime King at nakapagligtas sa GMA noon na medyo tagilid na.

Marami na ring problema ang network at noon nga ay umugong na ring bumili ng majority shares si Manny Pangilinan na siyang may-ari ng TV5 ngayon. Pero bigla ngang nag-rate ang Mulawin, sumipa ang sales nila, at hindi na nila kailangan ang mga bagong investors, kaya hindi na natuloy si MVP sa GMA.

Hindi ba aminado nga rin si Charo Santos na muntik na siyang mag-resign sa ABS-CBN dahil inilampso sila ng Mulawin at wala silang magawa. Umalis lang naman si Richard sa GMA 7 dahil sa naging problema ng syota pa lang niya noong si Sarah Lahbati. Dahil umalis si Sarah, sumama rin si Richard, nagbakasyon sila sa abroad hanggang sa magkaroon na nga ng anak.  Nang bumalik sila, lumipat si Richard sa

ABS CBN. Mali naman ang diskarte dahil hindi siya nabigyan ng magandang assignment agad, tapos nawalan pa ng prangkisa ang network.

Noong mabigyan siya ng magandang serye sa internet na lang at nakiki-block time ang ABS-CBN sa TV5 at ZOE TV.

Eh ngayon may choice pa ba siya, kung gawin man ang project ng ABS-CBN at ibenta iyon sa GMA, ano nga ba ang magagawa niya? Iyang si Richard ang dapat na pinakamalaking star ngayon pero nasayang nang matagal na nawala dahil nag-asawa at nang bumalik naman ay hindi nabigyan agad ng magandang project ng nilipatan. Ang paniwala namin, kung hindi umalis noon si Richard, siya sana ang pinakamalaking star sa ngayon. Pogi, marunong umarte, at napakalakas ng batak sa fans. Napatunayan na niya iyan.

Baka nga kailangan magbalik siya sa Kamuning dahil naroroon ang suwerte niya. Hindi mo rin kasi maiaalis sa isipin ng mga taga-Madre Ignacia na minsan ay nakalaban nila si Richard at iyon ang nagpahirap sa kanila at muntik nang magpataob ng kanilang network.

About Ed de Leon

Check Also

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Kumu

KUMU  top live streamers  ng SM Agency gustong pasukin ang showbiz

MATABILni John Fontanilla MAGANDA ang bawat kuwento ng  ilang top live streamers ng  SM Agency na umatend …