HATAW! D'yaryo ng Bayan hatawtabloid.com
HATAWAN
ni Ed de Leon
SAYANG si Mavy Legaspi, pero tama ang sinasabi niya, para sa kanya trabaho lang ang Eat Bulaga, tinanggap niya iyon dahil inalok siya, babayaran siya at sa tingin niya may matututuhan siya na makatutulong sa kanyang career. Ang hindi niya na-foresee. Maba-bash lang sila at makasisira iyon sa kanyang career at image.
Isa pa hindi maganda ang handling. Kagaya noong isang araw, pinagsayaw siya, kasama pa ang Maneuvers, ok sana iyon hindi pa inayos. Para lang siyang nag-Tiktok, mas magaling pa iyong mga nagsasayaw lang sa internet. Sumayaw na rin lang eh hindi pa inayos.
Masasayang lang siya kung ganoon. Dapat iba na lang ang inilagay nila roon. Masisira lang siya kun maba-bash araw-araw. Iyang
si Mavy kung titingnan mo, iyan ang puwedeng i-develop na matinee idol talaga, sayang kung masisira lang siya riyan. Iwanan na lang niya kina Betong iyan, sayang ang kinabukasan niya sa showbusiness.
Palagay namin iyon ang dahilan kung bakit ayaw ding sumama iyong iba eh. Maikukompara lang sila sa TVJ na hindi nila kaya, wala namang bagong idea na ipagagawa sa kanila. Kikita nga sila pero masisira lang. Kung hindi naman kailangang-kailangan gaya ni Paolo Contis na dapat nang magsustento sa kanyang mga anak, at may bago na namang syota na puwedeng maanakan, hindi na lang.
Dapat kasi iyong Eat Bulaga makakuha ng isang mahusay na think tank na makagagawa ng mga idea kagaya ni Joey de Leon, pero sino nga ba ang makukuha nila? Kailangan makahanap sila ng gaya ni Joey.
