HATAW! D'yaryo ng Bayan hatawtabloid.com
ni Ed de Leon
NAKATAWAG ng pansin ang isang male personality sa pamamagitan ng internet. Pogi naman siya at maganda ang katawan, kaya nga kinuha siya ng isang noontime show para sa isang contest nila noon. Hindi naman siya nanalo pero dahil napanood nga sa tv, mas dumami ang fan base niya kaysa noong sa internet lang siya. Mas
napansin siya ng ibang tao, lalo na nga ng mga bading.
Nagkaroon ng tsismis na nakikipag-date daw siya sa mga bading for a fee. Tapos nawala at ang sabi sumakay daw sa barko, at kasama sa mga sumasayaw doon at nagbibigay ng entertainment sa mga pasahero. Tapos mas matindi ang tsismis, pumapatol na raw siya sa mga matrona at kahit na sa mga bading na nababagot na sa mahabang biyahe sa barko kaya marami siyang pera.
Kaso inaabot din siguro siya ng pagkabagot kaya nagka-casino siya sa barko kaya ubos din ang pera niya. Pagdating niya rito ni wala siyang pambayad sa inuupahan niyang condo, kaya pasada na naman siya sa mga bading at matrona, anong buhay nga ba ang pinasok niya?
