HATAW! D'yaryo ng Bayan hatawtabloid.com
HATAWAN
ni Ed de Leon
AYAW naming sabihing dinilete, baka sabihin pa eh nagpo-promote kami ng pelikula, kaya sabihin na lang nating inalis, o ibinasura na ni James Reid ang naging post niya noong minsan na si Nadine Lustre na apat na taon niyang naging syota at naka-live in din sa kanyang P82-M bahay ang kanyang naaalala sa isang ginawa niyang bagong kanta.
Hindi lang iyon, ibinasura na rin ni James ang maraming pictures at posts niya kay Nadine sa kanyang social media account noong araw pa. Talagang naibasura na lahat.
Siguro naisip ni James na hindi uusad maging ang kanyang career kung hanggang ngayon ay lagi pa rin siyang naiuugnay kay Nadine. Hindi rin naman kasi naka-maintain ng popularidad si Nadine. Nag-flop ang dalawang huling pelikula niyon, at marami ang humuhula na hindi pa rin siya makababawi agad sa mga susunod pa niyang pelikula.
Ang mga hit movie lang naman ni Nadine ay iyong pinagtambalan nila ni James. Sa mga nauna niyang project na hindi pa sila love team ni James, hindi rin naman siya malakas. Kaso sa katayuan din ng career ni James ngayon, siguro maski pagtambalin sila ulit wala pa ring mangyayari.
Baka nga mas maganda pa kung magkakatambal sina James at ang kanyang talent ngayong si Liza Soberano, na dapat magbalik na sa Pilipinas. Ilang buwan na rin namang walang nangyayari sa kanya sa US. Puro lang siya selfie sa celebrities, pero liban sa isang maikling role sa isang indie, wala pa siyang nagawa.
