FilAm beauty queen hinahataw ng intriga

HATAWAN
ni Ed de Leon

NGAYON lang nagkaroon ng Fil-Am beauty queen sa US, si R’Bonney Gabriel, na siyang nanalong Miss USA at magiging kinatawan nila sa Miss Universe na gaganapin sa Enero sa New Orleans.

Pero binabanatan ng iba ang Fil-Am beauty queen at sinasabing mukhang “yari” ang pagkakapili sa kanya bilang Miss USA.

Ano iyan parang mga movie award din sa Pilipinas? Kasi raw kapapanalo pa lamang ni Bonney ay marami na agad lumabas na commercials na siya ang endorser. Pero ang paliwanag naman ni Bonney, hindi pa talaga siya nananalo kinuha na siyang endorser ng mga kompanyang iyon, at  nang manalo nga natural sinamantala nilang ilabas agad ang mga commercial nila.

Pero nakatatawa iyan ano. Rito sa Pilipinas, ang apelyido ng mga beauty queen ay Gray, Wurtzbach, at kung ano-ano pa na bali-baliktarin mo man hindi mo masasabing Filipino. Pero sa USA, ang panlaban nila sa Miss Universesi R’Bonney Gabriel.

Kaya sa Miss Universe sa Enero, ang aabangan naming manalo ay si Miss USA.