Mike Tan gradweyt na ng BS Psychology  

HATAWAN
ni Ed de Leon

TALAGANG kung magsisikap, matutupad ang pangarap. Tingnan ninyo ang actor na si Mike Tan, naka-graduate siya ng BS Psychology sa Arellano University. Kung natatandaan ninyo, riyan din nag-graduate si Sunshine Cruz. Kasi sila ang nag-aalok noon pa ng combination ng home study at face to face classes. Kahit na may shooting sila, may napag-aaralan pa rin sila at kung may time, pumapasok sila sa regular classes.

Oras na makompleto nila ang lahat ng dapat pag-aralan, kasama na rin sila sa graduation at nakatatanggap ng diplomang legal ha. Hindi iyan gaya noong gawa lang sa Recto.

Hindi habambuhay ang showbusiness, mabuti na rin iyong may pinag-aralan ka talaga dahil makakukuha ka ng ibang trabaho.