Friday , August 12 2022
Imee Marcos Nora Aunor Charo Santos

Para bumili ng tiket at maipamigay sa mga paaralan
SEN IMEE KINAUSAP DAW MGA NEGOSYANTENG TSINOY 

HATAWAN
ni Ed de Leon

MAGKAKAIBA ang marketing strategy talaga ng mga pelikula. Bawat producer na namuhunan ay gustong kumita, at sa panahong ito na talagang tagilid ang pelikulang Filipino, talagang gagawin nila ang lahat ng strategy para mapansin.

Sinasabing ang Chinese businesswoman na si Teresita Ang See, ang nagsabing kinausap umano ni Sen. Imee Marcos ang mga negosyanteng Tsinoy at pinakiusapang bumili ng tickets sa isang pelikula para iyon ay maipamigay sa mga paaralan at mapanood ng mga estudyante. Kung totoo iyon, maaaring gusto nga ng senadora na mapanood ng mga kabataan ang pelikula na sinasabi niyang “nagpapakita ng kanilang panig” doon sa EDSA Revolution, at hindi naman ang naglalaro ng mahjong lamang.

Hindi rin maikakaila na iyan ay marketing strategy para kumita ang pelikula dahil ang ganoong indie, hindi talaga basta pinapasok ng mga tao.

Ang kanila namang opposition ay isang pelikulang laban sa Martial Law. Inilabas na iyan noong nakaraang taon sa isang sinehan at nag-flop. Naisipan naman nilang ilabas ulit dahil baka sakaling mapansin na sila matapos manalo ng awards. Depende rin naman iyan sa credibility ng award giving body. Naka-slide screening sila simula ngayon sa ilang sinehan. Ang tanong, alin sa dalawang pelikula ang mas panonoorin ng mga tao?

Ewan, pero sa palagay namin, dahil pareho naman silang indie parehong mahihirapan ang dalawang pelikula sa sinehan. Siguro nga dahil sa stigma na unang nalikha ng  mga naunang indie noong araw na puro tungkol sa sex, gaya rin ng inilalabas nila sa internet ngayon. Kaya basta sinabing indie, hindi talaga pinanonood sa sinehan.

Kung may nagsasabi man na iyang mga indie na lang ang magtutuloy sa industriya, wala na nga. Talagang lugmok na ang industriya habang panahon. Eh mas magagandang ‘di hamak ang palabas sa TV, libre pa.

About Ed de Leon

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Chloe Jenna Christine Bermas Milana Ikemoto

Chloe Jenna nahirapan makipaghalikan kay Christine 

SHOWBIZ KONEKni Maricris Valdez Nicasio MULING sumabak sa pagdidirehe ng sexy ang singer/aktor na si Jeffrey …