Saturday , May 28 2022
Aiai delas Alas Audie Gemora Pokwang

Ai Ai ‘di lumevel sa ‘kamoteng’ parinig ni Audie 

HATAWAN
ni Ed de Leon

MARAMI ang nagsasabing politically motivated ang statement ng stage actor at director na si Audie Gemora  nang sabihin niyang sa tingin niya mas magaling na komedyante si Pokwang kaysa kay Aiai delas Alas. Lumabas ang comment ng stage director matapos aminin ni Aiai kung sinong presidentiable ang kanyang iboboto, na kalaban naman ng tuwirang ineendoso ng director at ni Pokwang.

Simple lang naman ang naging sagot ni Aiai, “hindi ko naman kasi siya kilala eh.” 

Pero tingnan natin ang fairness ng comment. Mula sa pagiging isang simpleng komedyante, sumikat si Aiai at hindi maikakaila na sa pelikula, isa siya sa itnuturing na box office star. May panahon pa ngang siya ay naging isang box office queen. Si Aiai ay nanalo na nang napakaraming awards sa telebisyon, at naging best actress pa sa Fantasporto International Film Festival sa Portugal para sa kanyang pelikulang School Service. Naging  best actress ulit siya para sa pelikula niyang Area sa Asean International Film Festival noong 2017. Dahil din sa pelikulang Area, napili siyang muli bilang best actress sa Queens’ World Film Festival sa New York.

Hindi lang sa acting ang award ni Aiai. Siya ay isang “condecorado,” ibig sabihin kinilala ng Santo Papa sa Roma ang mahalagang nagawa ni Aiai para sa simbahan nang gawaran siya ng Pro Ecclesia et Pontifice, na siyang pinakamataas na karangalang maipagkakaloob ng isang santo papa sa isang layko. Katunayan na siya ay hindi lamang isang mahusay na artista kundi mabuting tao.

Hindi naman sa minamaliit namin si Pokwang at maging si Audie, pero kapwa sila hindi pa nakakukuha ng ganyan kalalaking karangalan. Pareho rin sila na hindi pa nakagagawa ng mga hit na kagaya ng ginawa ni Aiai. Kaya masasabi ngang ang binitiwang pahayag ni Audie ay opinion lang niya at possible ngang politically motivated.

Tama rin naman ang reaksiyon si Aiai, dahil bakit naman niya papatulan ang mga ganyang comment at babatakin paitaas ang mga taong iyon sa kanyang level?

Minsan talaga iyang mga ganyang comment nagba-back fire. Akala siguro niya papatol si Aiai at magtataray para mas magkaroon sila ng pagkakataong may masabi. Eh hindi pumatol. Sila ang kamote.

About Ed de Leon

Check Also

Baron Geisler Pusoy

Baron nahiya sa 7 daring scenes sa Pusoy; Kung kailan nag-40 at saka naghubad

SHOWBIZ KONEKni Maricris Valdez Nicasio PITONG sexy scenes ang sinalangan ni Baron Geisler sa Pusoy ng Vivamax na mapapanood na simula …

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …