Saturday , May 28 2022
Carlo Aquino Trina Candaza

Carlo at Trina nagkasundo para sa co-parenting ng anak

HATAWAN
ni Ed de Leon

EWAN nga ba pero hindi maliwanag sa amin ang kuwento ha. Ang natatandaan namin, split na iyang sina Carlo Aquino at Trina Candaza, kaya nga sinasabing binalikan niya noon ang dati niyang syotang si Angelica Panganiban. Tapos nagkaroon ng panibagong issue, buntis na pala si Trina, at si Carlo ang tatay kaya nagkasundo sila ulit na magsama.

Pero ewan nga ba kung bakit, sa kabila ng katotohanang mayroon na silang anak, hindi rin nagtagal ang kanilang pagsasama, at nito lamang Enero umalis sa kanilang bahay si Trina kasama ang anak nilang babae, at hindi kasama si Carlo. Ibig sabihin, hiwalay na ulit ang actor sa kanyang live-in partner.

May mga fan na nanghihinayang sa kanilang relasyon at sinabi nga kay Trina na, “sana magkabalikan kayo ulit.” Pero sinabi ni Trina na malabo nang magkaroon ng reconciliation, lalo na’t may mga tao sa paligid ni Carlo na ayaw talaga sa kanya. Pero hindi niya sinabi kung sino nga ang ayaw sa kanya.

Sa parte naman ni Carlo, inamin din niyang tapos na nga ang relasyon nila ni Trina, pero madalas pa rin silang mag-usap dahil sa co-parenting agreement sa anak nilang si Mithi. Inamin din naman ni Carlo na nahihiram niya ang kanilang anak kay Trina, pero sinabi niyang mas ok na tumigil kay Trina ang kanyang anak dahil mas maaasikaso iyon at mapag-iingatan doon lalo na at uso pa ang Covid.

Sa aming palagay, mabuti na iyang nagkasundo sila sa isang co-parenting agreement at hindi na nagtalo. Kasi sa ganoong sitwasyon ang mas apektado ay iyong bata ganoong hindi naman kasali iyon sa problema nilang dalawa. Kung ano man ang hindi nila mapagkasunduan problema na nila iyon. Hindi na dapat na madamay ang kanilang anak sa hindi nila pagkakasundo.

Siguro nga tama rin naman si Trina na magkanya-kanyang buhay na sila ni Carlo. Bakit nga ba ipagpipilitan pa ang pagsasamang malabo na talaga? Hindi naman iyan ang una nilang paghihiwalay.

Kung hindi pa rin nga sila nagkasundo sa kabila ng pagkakaroon ng anak, malabo na talaga iyan at mas mahihirapan lang sila kung magsasama pa at madadagdagan pa ang kanilang anak at tapos maghihiwalay din.

About Ed de Leon

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …