Monday , July 15 2024
PROMDI ni Fernan AngelesI
PROMDI ni Fernan Angeles

Paglipas ng 33 taon ‘di pa tapos magrebisa?

PROMDI
ni Fernan Angeles

MAKARAAN ang mahigit 33 taon, ‘nirerebisa’ pa rin ng Office of the Ombudsman ang kasong plunder laban sa mga dating opisyal ng Public Estates Authority (PEA) kaugnay ng maanomalyang pagbebenta sa isang 41.6-ektaryang reclaimed area ng Manila Bay sa isang property developer sa halagang P104 kada metro kuwadrado.

Agosto 1988 nang isampa ang detalyadong sabwatang naganap sa pagitan ng pamunuan ng PEA (Philippine Reclamation Authority na ngayon) na direktang nangangasiwa sa mga reclamation projects sa buong bansa at ng Manila Bay Development Corporation na umano’y ‘nakapaghain ng best offer’ sa nasabing ahensiya.

Ang siste, hindi man lamang sumapat ang kabayaran ng MBDC para punan ang salaping ginastos ng pamahalaan sa pagtatabon, pagpapatibay ng pundasyon at pagpapatag ng silangang baybayin ng Manila Bay.

Ang prime property na may sukat na 41.6 ektarya ay ibinenta ng PEA sa halagang P104 kada metro kuwadrado para sa kabuang P427 milyon – lubhang malayo sa P41 bilyon estimated value batay sa umiiral na bentahan sa merkado sa nasabing lugar noong mga panahong iyon.

Batay sa Commission on Audit (COA), nasa P9.8 bilyon ang ginastos ng pamahalaan sa nasabing reclamation project.

Ang malinaw, nasa Ombudsman na ang sako-sakong ebidensiya at testimonya ng saksi. Pero tila wala lang ito sa Ombudsman na patuloy na tinutulugan ang asuntong isinampa laban sa mga opisyal ng PEA, may 33 taon na ang nakaraan.

Sukdulang abutan ng pagkamatay ng mga inireklamo at mga naghain ng reklamo – maging ang mga testigo sa kabagalan ng Ombudsman, na waring pahiwatig na wala silang planong isampa sa Sandiganbayan ang kasong plunder sa ngayo’y mga multi-bilyonaryong akusado.

Kung tutuusin napakalaking pera para sa naghihirap na Filipino kung mababawi o makakansela – kung hindi man madaragdagan ang baryang ibinayad ng MBDC para sa isang klasipikadong prime property sa tabi mismo ng Manila Bay. Sa pinakahuling datos na aking nakalap, suwerte ngayon ang isang negosyante kung makabibili siya ng lupa sa halagang P300,000 per square meter nasabing lugar.

Sa ilalim ng batas (Article XII, Sec. 3 ng Konstitusyon), malinaw na ipinagbabawal na ibenta sa mga pribadong kompanya ang alienable lands at public domain. Gayonpaman, puwede lamang itong paupahan.

Bakit nga ba ayaw pang desisyonan ng Ombudsman ang isinampang asunto? Oops mali yata ang tanong ko… dapat yata ay – magkano?

About Fernan Angeles

Check Also

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …

FIRING LINE ni Robert B. Roque, Jr.

Wanted ngayon: DepEd chief

FIRING LINEni Robert B. Roque, Jr. KUNG gaano kabilis tinalikuran ni Vice President Sara Duterte-Carpio …

Sipat Mat Vicencio

Sara mag-ingat sa pambobola ni Imee

SIPATni Mat Vicencio NGAYONG pormal nang nagbitiw si Vice President Sara Duterte bilang Secretary ng …