Friday , January 27 2023
Carlo Katigbak, ABS-CBN, PMPC, Star Awards

Wagi pang Best Station at Silver Medal sa NY Festivals
ABS-CBN LEHITIMONG TV STATION PA RIN KAHIT WALANG PRANGKISA AT IPINASARA

HATAWAN
ni Ed de Leon

KUNG iisipin mo, technically, ang ABS-CBN ay hindi na isang TV station, dahil simula nga noong harangin na ang kanilang franchise renewal at bawian sila ng lisensiya para sumahimpapawid, wala na silang TV o radio station. Off the air na nga kasi sila. Pero hindi tumigil ang ABS-CBN. Wala man silang franchise, itinuloy nila ang produksiyon ng mga dati nilang TV show, at gumagawa rin sila ng mga bago, at inilalabas nila sa mga internet channel, sa cable at sa kanilang mga blocktime agreement sa ibang TV stations kagaya ng TV5 at Zoe TV.

Maliwanag kung ganoon na ang ABS-CBN ay isa nang program o content producer, para sa internet, at mga cable, at mga TV station na
napasukan nila ng blocktime agreement. Pero kahit na sila ay technically hindi na isang TV station, ganoon pa rin ang pagkakakilala ng mga tao sa kanila. Isang TV station na wala nga lang on the air broadcast.

Kung ang bagay na iyan ang pagbabatayan mo, masasabi mong ang napahiya rin ay ang mga taong ang akala ay mabubura nila ang ABS-CBN oras na maalisan nila ng franchise. At dahil nanatili nga ang ABS-CBN, sa kabila ng katotohanang wala iyong franchise, sila ngayon ay parang bangungot sa mga kumalaban sa kanila na ikinakampanya nilang huwag iboto sa 2022, at sinasabi naman ng mga follower nila na hindi nga nila iboboto kahit na dumating pang may dalang sako-sakong pera.

Ang dagdag pang insulto sa mga nagpasara sa ABS-CBN, matapos ang mahigit na isang taon na iyon ay sarado, may bumoto pa roong Best TV station. Ang mas matindi, ang estasyon ay nanalo pa ng Silver Medal mula sa New York Television and Film Festival dahil sa isang makabuluhan nilang documentary, at kinikilala pa rin silang isang lehitimong TV station kahit na sila ay off the air. Kung pagbabatayan mo ang katotohanang umiiral, ang ABS-CBN ay nananatiling isang de facto TV station kahit na nga hindi na dinugtungan ang kanilang franchise, at kung matatalo nga sa susunod na taon ang kanilang mga kalaban na may bantang magdala ng sako-sakong pera para tiyak na manalo, aba eh walang dudang makababalik din agad
ang ABS-CBN.

About Ed de Leon

Check Also

Charles Angeles

Charles ng Marikit Artist Management handa sa intriga sa showbiz

MA at PAni Rommel Placente NOONG Martes ng gabi, ipinakilala sa entertainment press ang bagong …

Sanya Lopez Gabbi Garcia Kylie Padilla Sunshine Dizon

Sunshine balik-Kapuso, sisimulan agad ang Mga Lihim ni Urduja

MA at PAni Rommel Placente PAGKATAPOS hindi i-renew ng GMA 7 ang contract ni Sunshine Dizon noong 2021, nag-decide …

Klinton Start Nadine Lustre

Klinton Start wish maka-work si Nadine

MATABILni John Fontanilla MAGDIRIWANG ng kanyang ika-21 kaarawan ang tinaguriang Supremo ng dance Floor at …

JK Labajo Ako Si Ninoy Aquino

Ninoy Aquino hawig ni JK Labajo

MATABILni John Fontanilla KAABANG-ABANG ang bagong pelikulang hatid ng Philippine Stagers Foundation, ang Ako si Ninoy na pinagbibidahan …

Glaiza de Castro David Rainey Alessandra de Rossi, Isabel Oli-Prats, Chynna Ortaleza, Rochelle Pangilinan, Sheena Halili

Kasal ni Glaiza kay David star studded

MATABILni John Fontanilla MISTULANG wedding of the year ang  second wedding ng Kapuso actress na si Glaiza de …