Wednesday , July 24 2024
Herbert Bautista

Bistek magaling na public official

HATAWAN
ni Ed de Leon

ILANG araw na naming pinag-uusapan ni dating Mayor Bistek (Herbert Bautista) ang kanyang mga plano. Undecided pa siya noon kung tatakbo nga siya para sa isang local position, o bilang senador. Pero ang sabi niya sa amin, bahala na ang partido kung saan siya mas kailangan. Si Mayor Bistek ay kasapi ng Nationalist People’s Coalition noon pa, at hindi naman siya lumipat ng partido, hanggang noong Miyerkoles nga, nagharap na siya ng COC bilang isang senador.

Noong nakaraang eleksiyon pa inaasahan ang kanyang pagtakbo bilang senador, dahil ubos na nga ang kanyang term bilang mayor ng Quezon City. Pero matinik din ang advisers ni Bistek, dahil kung sumama siya sa grupong kumukuha sa kanya noon, aba baka nakasama siya roon sa walong sabay-sabay na nahulog. Naghintay siya ng tatlong taon lang, at ngayon masasabi ngang mayroon siyang better standing.

Iyang si Bistek, high school pa lang nang makilala namin. KB Chairman pa lang siya noon. Pero noon pa man nakita na namin ang ambisyon niya sa public service. Bilang KB federation president, nanungkulan na siya bilang konsehal ng lunsod. Naging konsehal ulit, naging vice mayor, hanggang maging mayor ng Quezon City.

Sa buong panahon ng kanyang panunungkulan, naiwan niya ang pagiging artista, at inaamin naman niya na mas malaki ang kinikita niya bilang artista kaysa noong mayor siya. Aba eh talaga namang mas malaki ang bayad sa mga artista kaysa mayor. Iyong sikat na artista talaga, aba eh mas malaki ang bayad kaysa presidente pa ng Pilipinas. Pero happy siya eh. Iyang si Bistek happy iyan na nakikipag-usap sa mga tao, nakatutulong siya kahit paano. Natatandaan pa nga namin may kuwento pang may matandang suki iyan na nagtitinda ng bubble gum. Kukuha siya ng isa bibigyan niya ng P100 iyong matanda. Naaawa kasi siya pero natutuwa na iyong matanda ay naghahanapbuhay at hindi gaya niyong iba na uupo sa isang sulok at mamamalimos na lang. Happy siya sa ganoong buhay eh.

May kuwento pa iyan eh. Nagkaroon siya ng traffic violation, hinuli siya ng enforcer, na siyempre hindi nakakibo nang makitang iyong mayor pala ang hinuli niya. Nagpa-ticket si Bistek at nagbayad  ng multa, kasi ang paniwala niya kahit mayor ka kung gumawa ka ng mali, magmulta ka. Ayaw naming mag-endoso ng politiko, pero ang paniwala namin magaling na public official si Bistek.

About Ed de Leon

Check Also

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Cecille Bravo PWDW Filmfest Peoples Legacy Awards

PWDW Filmfest People’s Legacy Awards 2024 matagumpay

MATABILni John Fontanilla MATAGUMPAY ang inaugural PWDW Film Fest People’s Legacy Awards 2024 na ginanap sa  QCX …