Thursday , February 9 2023
Herbert Bautista, Ping Lacson

Bistek may ‘konek’ kay Ping Lacson

SHOWBIZ KONEK
ni Maricris Valdez Nicasio

MATAGAL na palang kakilala si dating Quezon City mayor at ngayo’y senatorial aspirant, Herbert “Bistek” Bautista ang presidential candidate niya na si Ping Lacson sa May 2022 election.

Sa nakaraang Online Kumustahan sa Rizal na ginawa ni Ping, kasama ang ilan pang senatorial aspirants na sina Paolo Capino at Dr. Minguita Padilla, ikinuwento ni Bistek ang pelikulang ginawa niya noon kasama si Rudy Fernandez—ang Ping Lacson Story.

Sa pelikula, si Rudy ang gumanap bilang Ping, isang top cop at crime buster. Habang si Bistek naman ang sidekick at trusted man ni Rudy na si Michael Ray Aquino.

Sa tunay na buhay, isa ring alagad ng batas si Michael Ray at talagang pinagkakatiwalaan ni Ping sa mga operasyon para sugpuin ang mga kriminal tulad ng mga kidnapper.

“Kaya tingin ko po kapag naging presidente si Ping Lacson, ang kanyang pinagkakatiwalaan na si Michael Ray Aquino, ako pa rin po ang gaganap niyon sa Senado,” ani Bistek.

Bumilib din si Sen. Ping sa husay ng kaalaman ni Bistek sa mga problema ng bayan na kailangang lutasin tulad sa alokasyon ng pondo sa local government units, at maging sa agrikultura—tulad ng COCO levy fund at pagbaha ng imported na mga gulay at bigas.

Para kay Bistek, si Ping ang dapat na maging pangulo dahil ito ang may pinakamalawak na karanasan sa pamamahala sa lahat ng mga kandidato. 

Bukod pa sa “steady,” “relax” at hindi nagpapa-”panic” si Ping kapag humarap sa napakaraming problema ng bansa na kaniyang kakaharapin.

About Maricris Valdez Nicasio

Check Also

Ernest Beaver Magtalas Mutya Orquia

Ernest Beaver wish makatrabaho si Mutya

RATED Rni Rommel Gonzales Ang Roommate ay kasalukuyang napapanood via online streaming tuwing Sabado na  bida sina John Heindrick …

Sunshine Cruz, Macky Mathay

Sunshine nawala ang ‘trust’ kay Macky kaya naghiwalay

MA at PAni Rommel Placente FINALLY ay nagsalita na rin si Sunshine Cruz ukol sa naging hiwalayan …

Gary Valenciano Coco Martin FPJ Batang Quiapo

Kapalaran ni Gary V umakma sa FPJ’s Batang Quiapo ni Coco

MA at PAni Rommel Placente BALIK-PRIMETIME ang award-winning actor na si Coco Martin via FPJ’s Batang Quiapo.  Sa …

Lala Sotto MTRCB ISO 9001 2015

MTRCB ISO 9001:2015 certified na

IGINAWAD sa Movie and Television Review and Classification Board (MTRCB) ang International Organization for Standardization Certification o …

Love Añover LOVE and EVERYTHING

Love Anover magsasabog ng pagmamahal sa LOVE and EVERYTHAAANG!  

SHOWBIZ KONEKni Maricris Valdez Nicasio DADALHIN ng NET25 ang pagmamahal sa inyong mga tahanan sa pamamagitan ng …