Friday , October 22 2021
shabu drug arrest

Magkapatid, asawa timbog sa droga sa montalban

ARESTADO ng mga awtoridad ang magkapatid na hinihinalang mga tulak ng ilegal na droga pati na ang asawa ng isa sa kanila sa buy bust operation na ikinasa sa bayan ng Montalban, lalawigan ng Rizal, nitong Martes ng gabi, 1 Hunyo.
 
Sa ulat kay P/Lt. Col. Christopher Dela Peña, kinilala ang mga nadakip na magkapatid na sina Ferdinand Bonoso at Wifredo Bonoso, at asawa niyang si Elizabeth Bonoso, kapwa mga nasa hustong gulang at hinihinalang mga drug pusher.
 
Unang naaresto si Ferdinand dakong 11:20 pm sa Cacho St., samantalang nadampot ang mag-asawang Wifredo at Elizabeth dakong 11:30 pm sa Libis Dike 2, pawang sa Brgy. Balite, sa nabanggit na bayan.
 
Sa imbestigasyon nina P/Cpl. Danny Tupaz at P/SSgt. Andrew Brioso Guerrero, nasamsam mula sa naunang nadakip na suspek ang .33 gramo ng hinihinalang shabu at .50 gramo mula kina Wifredo at Elizabeth na sa kabuuan ay nagkakahalaga ng P5,500.
Nabatid na nakuha kay Ferdinand ang pitong transparent plastic sachet habang 11 ang nasamsam sa mag-asawa at ginamit na buy bust money.
 
Sasampahan ng kasong paglabag sa Section 5 at 11, Article ll ng RA 9165 o Comprehensive Dangerous Drugs Act of 2002. (EDWIN MORENO)
 
 

About Ed Moreno

Check Also

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

dead gun police

Sa Negros Occidental
KABIBIYUDANG EMPLEYADO NG CITY HALL TODAS SA BOGA NG TANDEM

ISANG bagong biyudang empleyado ng city hall ang namatay nang barilin ng dalawang hindi kilalang …

Leave a Reply