Tuesday , November 30 2021

P102-M droga nasabat 2 tulak todas sa buy bust (Sa Taytay, Rizal)

BUMAGSAK nang walang buhay sa anti-illegal drug operation na ikinasa ng mga tauhan ng Philippine Drug Enforcement Group (PDEG) ang dalawang hinihinalang tulak habang nakompiska ang P102-milyong halaga ng droga, nitong hatinggabi ng Miyerkoles, 28 Abril, sa Highway 2000, bayan ng Taytay, lalawigan ng Rizal.
 
Ayon kay P/BGen. Remus Medina, direktor ng PDEG, kinilala sa alyas na Alvin ang isa sa mga napaslang na suspek, samantala tinutukoy pa ang pagkakakilanlan ng kanyang kasamang nakasuot ng itim na kamiseta.
 
Nabatid na dakong 12:00 am kahapon, nagkasundo ang pulis na umaktong buyer ng shabu dala ang P1,000,000 cash at saka nakipagkita sa mga suspek sa Highway 2000 Ext., sa nabanggit na bayan.
 
Nang maiabot pera, agad tumakas ang mga suspek gamit ang kotse.
 
Ilang saglit pa at narinig putukan sa nasabing lugar.
 
Nagkaroon ng ilang minutong habulan at palitan ng putok sa madilim na bahagi ng lugar kung saan napatay ang mga suspek.
 
Nakuha ng mga awtoridad sa dalawang suspek ang 15 kilo ng pinaniniwalaang droga na nagkakahalaga ng P102,000,000, at isang kotseng gamit sa kanilang ilegal na modus.
 
Ayon kay P/BGen. Medina, miyembro ng sindikatong sangkot sa bentahan ng shabu ang dalawa at konektado kay Michael Lucas na nasakote sa Cavite kamakailan lamang.
 
Bukod dito, idinagdag ng opisyal, isang Chinese national na nakabase sa Hong Kong ang nagbibigay ng hudyat sa malakihang deal ng droga na sangkot ang mga suspek. (EDWIN MORENO)

About Ed Moreno

Check Also

Sab Aggabao Cara Gonzales Ayana Misola Stephanie Raz Darryl Yap

Direk Darryl sa Pornstar: Sampal sa mga konserbatibo

SHOWBIZ KONEKni Maricris Valdez Nicasio “THIS is a testament.” Ito ang iginiit ni Direk Darryl …

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Leave a Reply