Wednesday , December 1 2021

15,000 bakwit siksikan sa Montalban

NANANATILING puno ang 16 evacuation centers ng mahigit sa 15,000 bakwit, habang lubog pa rin sa putik at tambak ng basura ang kanilang mga bahay na sinalanta ng nagdaang bagyong Ulysses sa bayan ng Rodriguez (Montalban), lalawigan ng Rizal.

Sa rekord ng lokal na pamahalaan, ilan sa mga ginawang evacuation centers ang Aranzazu covered court, Burgos Elementary School, Manggahan National High School, Geronimo Elementary School, Eulogio Rodriguez, San Isidro Library, South 8B, San Jose National High School, Kasiglahan, Munting Dilaw, San Jose Elementary School, Carmon Elementary School, San Rafael, Wawa Elementary School, sa naturang bayan.

Nabatid nasa 3,363 pamilya katumbas ng 15,591 indibidwal ang nagsisiksikan sa 16 evacuation centers matapos ang pananalasa ng bagyong Ulysses.

Kabilang sa mga lubhang apektado ng bagyo ang mga barangay ng Burgos, San Jose, San Isidro, at San Rafael, na umabot hanggang bubong ng mga bahay ang baha lalo sa Sitio Libis, Barangay Rosario, nasa gilid ng ilog, Dela Costa Village sa San Jose, at Manggahan.

Ilang lugar pa sa Rodriguez ang wala pa rin supply ng koryente at tubig kaya nahihirapan ang mga residente na linisin ang mga tambak ng basura at putik sa loob at labas ng kani-kanilang mga bahay.

Bukod sa umiiral na pandemyang CoVid-19, nangangamba ang mga residente sa panganib ng iba pang epidemya dahil sa nagkalat na basura.

(EDWIN MORENO)

 

 

About Ed Moreno

Check Also

Sab Aggabao Cara Gonzales Ayana Misola Stephanie Raz Darryl Yap

Direk Darryl sa Pornstar: Sampal sa mga konserbatibo

SHOWBIZ KONEKni Maricris Valdez Nicasio “THIS is a testament.” Ito ang iginiit ni Direk Darryl …

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Leave a Reply