Thursday , June 30 2022

Ordinaryong ‘nanay’ sa IATF-EID kailangan

HINIMOK ni Senador Imee Marcos ang pamahalaan na seryosong ikonsidera ang pagtatalaga ng isang ‘nanay’ na ordinaryong maybahay sa Inter-Agency Task Force on Emerging Infectious Diseases (IATF-EID) o magtayo ng special committee na pamumunuan niya para suriin ang epekto ng CoVid-19 sa mga kababaihan.

“Ang bagong paraan ng ‘blended education’ ay kapwa matinding hamon sa mga sistema sa eskuwe­lahan at mga pamilya. Ang ‘nanay’ ang sentro o pumapagitna sa lahat. Napakaraming malulu­pit at iba’t ibang epekto ng pandemya sa mga kababaihan,” ayon kay Marcos.

“Kailangan natin ng isang maabilidad na nanay para maka­agapay sa pandemya. Ang isang programang pautang para sa tablet o ang suporta para sa hulugan na mga gadget ang maiisip na remedyo kung may nanay na nakaupo sa IATF,” giit ni Marcos.

“Ang isang nanay ay nakapaglagay na sana ng mga community-based tutoring pools para hawakan ang maliliit na grupo ng mga bata o kaya’y bubuksan ang mga kalsada at mga auditorium at mas maraming handwashing facility para magamit ng mga pamilya. Pero sa halip, inaaresto natin ang mga tao dahil sa pag­labag sa mga quarantine. Saang lugar sila ihihiwalay sa masikip at depressed area?” tanong ni Marcos.

Mas napaigting ng pandemya ang tagong diskriminasyon sa mga babae at sa kawalan ng mga panuntunan para makatutulong sa kanila, punto ni Marcos.

“Hindi masusukat ang pagbubuwis ng kalusugan ng  mga health worker, na 70% sa kanila’y mga babae,” ani Marcos, na nagsabi pang ginagampanan na rin ng mga babae ang papel ng caregivers na walang katapat na kabayaran kapag nagkaroon ng kapansanan o malalang sakit ang sinoman sa miyembro ng kanilang pamilya.

Dagdag ni Marcos, ang mas mahabang oras ng mga palengke at mas maraming rolling stores ang magbibigay sa mga kababaihan, lalo ang mga single na nanay, ng sapat na oras at panahon para asika­sohin ang trabaho, gawain sa bahay at pag-aalaga sa anak.

Bagamat kinikilala sa buong mundo ang potensiyal na kaka­yahang pang-ekonomiya ng mga kababaihan sa micro-businesses at MSEs, iginiit ni Marcos na napipigilan pa rin ito ng limitadong access sa mga programang pautang, dahil kadalasan sa mga titulo ng ari-arian na kailangan bilang collateral ay nakapangalan sa kanilang asawa.

Ang isang nanay na nasa IATF ay mas magiging abala sa mga opisyal na ulat na may kaugnayan sa mga kababaihan, halimbawa ang nilabas na impor­ma­syon ng Philippine National Police (PNP) na bumaba ang  bilang ng karahasan sa mga kababaihan at kabataan.

(CYNTHIA MARTIN)

About Cynthia Martin

Check Also

Arrest Posas Handcuff

Sa Nueva Ecija
MOST WANTED RAPIST NASAKOTE

SA PINATINDING Manhunt Charlie operation, nadakip ng mga awtoridad ang top most wanted person (MWP) …

Bulacan Police PNP

Sa pitong araw na SACLEO sa Bulacan
P1.1-M DROGA NASABAT, 413 PASAWAY TIMBOG

NASAMSAM ang mahigit sa P1.1-milyong halaga ng ilegal na droga habang nadakip ang 413 law …

sea dagat

Bangka tumaob sa dagat
4 MANGINGISDA NALUNOD, PATAY ISA NAWAWALA

APAT mangingisda ang nalunod at namatay habang hindi pa nahahanap ang isa, matapos tumaob sa …

Sa San Pablo Laguna, 2 MOST WANTED SA ARESTADO

Sa San Pablo Laguna,
2 MOST WANTED SA ARESTADO

NASAKOTE ng mga awtoridad ang dalawang nakatalang most wanted person ng lalawigan ng Laguna sa …

nakaw burglar thief

Mag-utol timbog sa panloloob sa e-bikes shop

BULILYASO ang dalawang lalaking mag-utol nang mahuli ng mga awtoridad habang nagnanakaw sa isang e-bikes …

Leave a Reply