Tuesday , July 8 2025

SUCs Iskolar ng Bayan para lang sa Pinoy

IPINATITIGIL ni Senadora Imee Marcos ang komersiyalisasyon sa state colleges and universities (SUCs) na pinapayagan ang foreign students na tamasahin ang parehong benepisyong nakalaan dapat para sa mga Pinoy na ‘iskolar ng bayan.’

 

Ayon kay Marcos, bunsod ng enrollment quota ay napupunta lang sa mga dayuhang mag-aaral ang dapat sana ay libreng edukasyon sa kolehiyo ng mga pamantasan na laan sa mga Filipino, partikular sa napakagastos na kursong medisina.

 

“Unahin natin ang kapwa natin Filipino. Gamitin natin ang ating buwis para sa mga Filipinong gustong maging doktor, lalo sa ganitong mga panahong may pandemya,” ani Marcos.

 

“Mababalewala ang pagsisikap nating madagdagan ang mga doktor ng bayan at malulustay lang sa mga dayuhan,” dagdag ni Marcos, na ibinida ang panukalang batas ng Senado na magpapalawak sa medical scholarship, o ang “Doktor Para Sa Bayan” bill.

 

Sa pagdinig ng Senate Finance Committee noong Lunes para sa 2021 budget, nanawagan si Marcos sa Commission on Higher Education (CHEd) na magsumite ng listahan ng foreign students sa SUCs sa nakalipas na limang taon.

 

Humihingi ang CHEd ng karagdagang P4.6 bilyon pondo para madagdagan ang mga iskolar ng gobyerno na mag-aaral ng kursong medisina sa 5,368 kada taon.

 

Aminado si CHEd Chief Prospero De Vera, nakatali ang kanilang kamay na limitahan ang bilang ng foreign students sa SUCs dahil karapatan ng Board of Regents ng bawat kolehiyo at unibersidad na desisyonan ang pagtanggap sa kanila.

 

Sa tala ng Bureau of Immigration (BI) ay nasa 26,000 ang foreign students sa bansa ngunit ‘di tinukoy kung ilan ang kasalukuyang nag-aaral ng medisina sa walong SUCs kabilang ang Mariano Marcos State University, University of Northern Philippines, Cagayan State University, Bicol University, West Visayas State University, University of the Philippines – School of Health Sciences, University of the Philippines – Manila, at Mindanao State University – Marawi.

 

Mayroon pang tatlong SUCs ang kasalukuyang ipinoproseso ang aplikasyon para magbukas ng kursong medisina – Cebu Normal University, Western Mindanao State Univerity sa Zamboanga City, at University of Southeastern Philippines sa Davao City.

 

Hiniling ni Marcos sa CHEd, SUCs, at Bureau of Immigration na agad repasohin ang kanilang mga panuntunan patungkol sa foreign students para masigurong mabibigyang prayoridad ang mga mag-aaral na Filipino.

 

Hiningi rin ni Marcos ang kooperasyon ng medical student organization na maging alerto at isumbong sa gobyerno kung may SUCs na pinapaboran ang mga banyagang mag-aaral. (CYNTHIA MARTIN)

Krystall Herbal Products and FGO Branches

About Cynthia Martin

Check Also

Janet Respicio PSTMO

Posthumous commendation para kay TF Janet Respicio rekomendasyon ng PSTMO

IREREKOMENDA kay Malabon City Mayor Jeannie Sandoval ni Public Safety and Traffic Management Office (PSTMO) …

Kiko Pangilinan farmer

Sen. Kiko nanawagan sa NFA at LGUs
DIREKTANG BUMILI SA MGA MAGSASAKA

NANAWAGAN si Senador Francis “Kiko” Pangilinan  sa National Food Authority (NFA) at sa mga Local …

LTO Land Transportation Office

Lisensiya ng 10 taxi, TNVS drivers sinuspinde ng LTO sa takaw-singil

PINATAWAN ng suspensiyon ng Land Transportation Office (LTO), sa ilalim ng gabay ni Department of …

070725 Hataw Frontpage

60-ANYOS INA, MAG-ASAWA PATAY SA SUNOG
64-anyos padre de familia kritikal

TATLONG magkakapamilya ang namatay sa sunog na sumiklab sa isang residential compound sa San Mateo, …

Antonio Carpio Chiz Escudero

Senator-judges dapat shut-up lang
ESCUDERO BINUTATA NI CARPIO

HATAW News Team SINOPLA ni dating Supreme Court Senior Associate Justice Antonio Carpio si Senate …

Leave a Reply

Your email address will not be published. Required fields are marked *