Friday , March 29 2024

3 Gives sa DUs pinaboran sa Bayanihan 2

NAKAPALOOB sa Bayanihan to Recover as One Act na pinirmahan ni Pangulong Rodrigo Duterte ang pag-aalok ng utility companies ng ‘three gives’ sa mga konsumer.

Ikinatuwa ito ni Sen. Francis Tolentino dahil siya ang masigasig na nagtulak sa probisyon sa deliberasyon sa plenaryo ng Bayanihan 2.

Katuwiran ng senador, napakahirap ng sitwasyon at ang pag-aalok ng installment na pagbabayad sa koryente, tubig, at telekomunikasyon kahit paano ay makagagaan sa pasanin ng mga konsumer.

Paliwanag ni Tolentino, kailangan magbigay ang lahat ng utility companies ng 30-day grace period para sa pagbabayad ng kanilang konsumo habang umiiral ang enhanced community quarantine (ECQ) at MECQ nang walang interes at multa.

Paglipas ng grace period may opsiyon din ang mga konsumer maging ang mga micro, small and medium enterprises na bayaran ang kanilang naiwang bills ng tatlong hulog nang walang interes at multa.

Samantala, ang upa naman sa tirahan at puwesto ng negosyo na nagsara noong ECQ at MECQ ay sakop din ng 30-day grace period at bibigyan sila hanggang sa katapusan ng taon para tapusin ang ‘installment payment’ sa upa. (CYNTHIA MARTIN)

About Cynthia Martin

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *