Thursday , December 9 2021

Pangakong ayuda ng Pangulo sa healthcare workers na biktima ng COVID-19 ‘binuro’ ng red tape (DOH, DBM, DOLE tinukoy ni Go)

DESMAYADO si Senate committee on health chairman Senator Christopher “Bong” Go sa mabagal na paglalabas ng concerned government agencies  ng  benepisyo na para sa mga frontliners partikular ang mga nagbuwis ng buhay sa paglaban sa pandemyang coronavirus (COVID-19).

Sa kanyang  talumpati sa Senado, sinabi ni Go, nagtiwala siya sa kakayahan ng mga nasa government agency pero tulad ng nasabi niya noon pa, magsasalita siya kapag may nakita siyang  mali lalo na kapag tungkol sa serbisyo at trabaho para sa tao.

Sinabi ni Go, malinaw ang polisiya ni Pangulong Rodrigo Duterte laban sa red tape, dapat sa loob ng 48 hanggang  72 oras, ay nakalabas na ang papeles na kailangang mailabas.

Hindi tuloy naiwasan ni Go na magtanong kung sadya nga bang pinatatagal  ang proseso o walang  gumagalaw.

Binigyang diin ni Go na mismong si Pangulong Duterte ang nagsabi na dapat ay mabigyan ng karampatang suporta  ang health workers  at ang kanilang pamilya  bilang  pagkilala sa mga sakripisyo nila para sa bayan.

Kaugnay nito, iginiit ni Go na desmayado siya sa magkakaibang pahayag ng Department of Budget and Management (DBM) at ng Department of Health (DOH)  kaugnay sa guidelines bago ilabas ang  pera para sa benepisyo ng healthcare workers.

Pinagsabihan ni Go ang DBM, DOH at maging ang Department of Labor and Employment (DOLE) na mag-usap-usap upang magkaroon ng koordinasyon.

Ikinairita ni Go ang joint issuance ng mga ahensiya para ipatupad ang isang bagay na dapat ay noon pa nila ginawa kasabay ng hamon na gumising at kumilos ang mga ahensiyang tila nagtutulog-tulugan o sadyang ‘patay’ na?

Hindi naiwasang itanong ni Go kung ano ang mararamdaman ng mga opisyal ng mga concerned agencies kung sila naman ang namatayan at matagalan sa pagbibigay ng tulong na dapat sana ay naibigay ng  gobyerno. (CYNTHIA MARTIN)

About Cynthia Martin

Check Also

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

SMC Isla Pulo San Miguel DENR

SMC tumutulong sa natitirang Metro old growth mangrove forest para protektahan

DADAGDAGAN ng San Miguel Corporation ang volunteers mula sa kanilang hanay para tulungan ang Department …

Sunshine Cruz

Sunshine ‘di tumatanda — Wala kasi akong problema

HATAWANni Ed de Leon HINDI na yata tumatanda si Sunshine Cruz? Aba kung titingnan mo ang kanyang picture …

Leave a Reply