Sunday , June 16 2024

Nadine Lustre, maka-grandslam kaya?

KUNG si Nadine Lustre ay susuwertihin ding mapili ng mga entertainment editor ng mga lehitimong diyaryo lamang, bilang best actress sa kanilang EDDYS Choice sa July 14, aba grandslam na siya. Kaya kung hindi man niya natanggap nang personal ang iba niyang awards, kailangang mag-isip na siyang magpagawa ng isang magandang gown, at maghandang dumating sa EDDYS, dahil kung suwertihin siyang manalo, siya na ang may pinakamatibay na katayuan sa mga batang artistang babae ngayon.

May nagsasabi agad, hindi niya nakopo ang lahat ng awards. Hoy pero tingnan ninyo, siya ang nanalo roon sa Young Critics Circle. Siya rin ang naging best actress doon sa “reformed FAMAS” awards. Siya rin ang naging choice ng mga Manunuri ng Pelikulang Pilipino. Aba sa ngayon ang mga award na iyan ay iginagalang.

Kung makukuha niya iyong EDDYS, na sinasabi nga naming siya lang pinaniniwalaan, aba grand slam na siya dahil nakuha niya lahat ng mga respetadong awards. Hindi na bale iyong ibang awards. Hindi na bale iyong galing sa mababang paaralan ng kung ano man, o iyong mga award na pinagdududahan, doon na lang tayo sa pinaniniwalaan at walang kaaliwaswasan.

Ganoon din naman si Eddie Garcia, na nominated din sa EDDYS. Kung iyan ang kanyang magiging huling tropeo sa taong ito bilang best actor, aba baka maka-revive siyang bigla. Naroroon ang respeto ng industriya sa kanya, at huwag ninyong sabihing comatose iyong tao dahil lumabas sa kanyang Electroencephalography o EEG na mayroong “minimum brain activity.” Sabihin mo mang minimum iyan, aba buhay ang kanyang isip at naroroon ang posibilidad na alam niya ang nangyayari sa paligid niya.

Noong ihatid sa kanya iyong trophy niya mula sa Manunuri, sigurado alam niya iyon. Kung maihahatid din sa kanya iyong EDDYS pagkatapos ng awards, aba napakalaking bagay niyon at alam naming gagawin naman iyon ng kanyang director na si Joel Lamangan at producer na si Harlene Bautista.

Iyang EDDYS na lang ang hinihintay namin. Wala kasi kaming duda sa awards na iyan eh.

HATAWAN
ni Ed de Leon

 

About Ed de Leon

Check Also

Sanya Lopez

Sanya napraning sa stalker

MA at PAni Rommel Placente INAMIN ni  Sanya Lopez sa interbyu sa kanya sa Chika Minute sa 24 Oras, na …

Charles Raymond Law

New heartthrob ng Viva wish makagawa ng mala-Freddie Highmore role sa The Good Doctor

MATABILni John Fontanilla NAGDIWANG ng kanyang ika-16 birthday ang future heartthrob ng Viva Entertainment na si Charles Raymond …

Wize Estabillo

Bidaman Wize inalok ng P1-M kapalit ng one night stand

MATABILni John Fontanilla DAGSA ang natatanggap na indecent proposal ni Wize Estabillo sa kanyang mga social media …

Joshua Garcia Carlo Aquino Charlie Dizon

Joshua hinanap sa kasal nina Carlo at Charlie

MA at PAni Rommel Placente INISNAB nga ba ni Joshua Garcia ang kasal nina Carlo Aquino at Charlie Dizon? Tanong …

Kira Balinger Kelvin Miranda

Kelvin kakaiba ang na-experience nang makatrabaho si Kira

RATED Rni Rommel Gonzales REFRESHING mapanood sa isang pelikula na magkapareha ang isang Kapuso at …

Leave a Reply

Your email address will not be published. Required fields are marked *