Tuesday , July 5 2022

Darna, may ‘balat ba sa puwet’ kaya katakot-takot na ang delay?

HINDI  naman sa pina­ngu­ngunahan namin, pero mukhang iyong kanilang announced audition para sa lalabas na Darna sa pelikula ay hindi naman audition talaga para sa mga bagu­han, kasi ang lumalabas na sumailalim sa audition ay mga dating talents na rin.

May nagsasabi namang talagang open sana ang audition, pero wala namang masyadong dumating na mga baguhang nag-ambisyong maging Darnasa pelikula, kaya nga raw nagtawag na lang ng ibang talents para hindi naman sayang ang oras sa scheduled audition nila.

Ano man ang totoong nangyari, mukha ngang wala tayong aasahang maaaring mangyaring milagro sa pelikulang iyan kung sakali.

Hindi mo naman sila masisisi kung ipinagpipilitan pa rin nila ang nasabing project. Napakalaki na siguro ng gastos nila sa pelikulang iyan. Nag-pre production na iyan bago pa umayaw si Angel Locsin. Panibagong pre-production at paghahanda na naman bago tumanggi si Liza Soberano. Ngayon gastos na naman sa paghahanap ng panibagong Darna.

Aba eh kung hindi kikita iyan kahit na 20 porsiyento lamang ng kinita ng Avengers baka lugi pa ang pelikulang iyan.

Kung noong araw iyan, ipagpapaliban na muna ng producers ang paggawa ng proyektong iyan dahil mukhang wala nga sa timing. Aba lahat na lang ng klase ng delay inabot na. Dalawang ulit na silang nagpalit ng artista. Nagpalit na rin sila ng director. Baka nga ang dapat, magpalit na muna sila ng project.

Ang dami pa namang magagawang pelikula, bakit nga ba kailangang ipilit iyang Darna?

Anak ni Kuya Germs, magtatayo ng international talent management

NOON bang nagsisimula si Lea Salonga sa ‘That’s Entertainment’ may nakahula na siya ay magiging isang malaking international star? Wala naman eh. May talent siya. Maganda siya. She has the makings of an international star, pero walang offer until ‘Miss Saigon’ came.

Iyan ang sinasabi ko, maraming mga artistang Filipino ang magaganda at may talent na kayang lumaban kahit na kanino, pero walang tamang contacts. Iyon ang balak ng international talent management na balak kong simulan. Kami ang hahanap ng trabaho nila sa abroad,” ang pagkukuwento ni Federico Moreno, anak ni Kuya Germs noong makausap namin sa launching ni Bianca Umali bilang bagong endorser ng isa pa niyang negosyo, iyong X Cess Salon.

Marami ngang contact iyang si Federico, at palagay namin kayang-kaya rin niyang tumulong sa ating mga local talent na magagalig naman talaga.

Mga politikong inendoso ng ilang artista, bumalibag

TAPOS na ang eleksiyon. Tahimik na ulit. At ang sinasabi nila, maraming mga politikong ikinampanya ng mga sikat na artista na bumalibag din. Hindi rin ibinoto ng mga tao. Kung kami ang tatanungin, magandang feedback iyan. Ibig sabihin niyan nag-mature na ang kaisipan ng mga botante at hindi basta ikinampanya ng isang sikat na artista iboboto, na nila.

Sikat man ang nagkakampanya kung mukha namang walang magagawa sa bayan ang ikinakampanya niya eh bakit mo naman iboboto?

HATAWAN!
ni Ed de Leon

About Ed de Leon

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …

Leave a Reply