Monday , June 24 2024

Yul, tanging ang ambisyon ay pagsilbihan ang mga ka-distrito

SIGURO po sa loob ng isang buwan, minsan umaabot sa 800 burol ng patay ang napupuntahan ko,” pagkukuwento ni Congressman Yul Servo. At hindi niya ginagawa lang iyan kung panahon ng kampanya, talagang ginagawa niya iyan lagi. May mga panahong araw-araw talaga pagdating ng gabi inilalaan na niya ang oras sa pagbibigay ng oras sa pakikiramay.

“Noong una nga po naiilang ako, kasi basta dumating ako sa burulan, parang nauuna pa rin sa isipan nila iyong artista ako. Lahat iyan maglalapitan at nagpapa-picture. Talagang hiyang-hiya ako kasi may patay tapos picture taking ang nangyayari. Pero hindi lang minsan na may nagsabi sa akin na gumagaan ang loob nila sa ginagawa kong pagdalaw. Kasi ang tingin nila hindi lang congressman nila eh. Ang tingin nila may isang artistang nakiramay sa kanila. Kaya magmula po noon, mas lalo kong sinikap na maibigay ang aking pakikiramay sa mga namatayan,” sabi pa ni Yul.

Kung magkuwento si Yul, hindi mo sasabihing umakyat na sa utak niya ang pagiging isang politiko. Simple lang ang kanyang iniisip, kung paano makatutulong. Doon sa kanyang ipinakitang record ng mga nagawa niya, walang political moves. Puro pagpapatayo ng eskuwelahan, palaruan, ospital, medical assistance, pagpapa-ayos ng mga presinto ng pulisya, at kung ano-ano pa.

Pati iyong kanyang ginawang Operation Tuli ikinuwento niya kung ano ang personal niyang ginagawa para mas mapabuti ang serbisyo. Ipinagmamalaki nga niya, noong nakaraang taon ay halos 2,000 mga bata  ang naging pasyente nila sa kanilang operation tuli.

Talagang mapapansin mo na ang mga ginagawa niyang proyekto ay ginamitan ng simpleng kaisipan lang. Kung ano ang kailangan ng mga tao, iyon ang kanyang tina-target. Kasi nga sinasabi naman niyang wala siyang ibang ambisyon kundi pagsilbihan lamang ang kanyang distrito. Roon lang siya naka-focus ngayon. Hindi siya kagaya ng ibang masyadong ambisyoso.

HATAWAN
ni Ed de Leon

About Ed de Leon

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *