Doc Perez, pinarangalan sa Walk of Fame Phils.

NOONG Lunes, hindi man masyadong maingay kagaya noong dati, nadagdagan na naman ang mga artistang pinarangalan sa Walk of Fame Philippines na sinimulan noon ng master showman na si Kuya Germs. Sampung personalidad na naman ang pinarangalan sa pangunguna ni Dr. Jose Perez.

Si Doc Perez na dating producer ng Sampaguita Pictures, ang sinasabing isa sa pinaka-mahusay na star builder sa buong panahon. Marami siyang napasikat na mga artista. Si Doc ay isa rin sa mga mentor ni Kuya Germs sa pagbi-build up ng mga artista.

Palagay namin sa lahat ng inilagay diyan sa Walk of Fame na iyan, iyang parangal kay Doc Perez ang talagang ikinatutuwa ni Kuya Germs saan man siya naroroon ngayon. In fact, noon pa niya gustong ilagay si Doc diyan sa Walk of Fame.

HATAWAN!
ni Ed de Leon