Tuesday , May 28 2024

Ate Vi, ayaw na ng malakihang birthday celebration

THANKFUL naman si Ate Vi (Vilma Sanos) sa rami ng nakaalala at bumati sa kanya noong birthday niya. Kahit na nga medyo malayo dahil gusto nga niya ng isang pribadong family celebration lamang, natanggap naman niya ang lahat ng mga ipinahatid na pagbati sa kanya. Noong magbalik naman siya kinabukasan pagkatapos ng kanyang birthday, nakahanda na sa kanyang mesa ang lahat ng mga write up at mga diyaryo na nabasa niya ang mga nasabi tungkol sa kanya.

Very thankful din si Ate Vi na nauunawaan naman siya ng mga tao roon sa kagustuhan niyang magkaroon na lang ng isang simple at private cele­bra­tion.  ”Sa totoo lang na­man nga­yon ko lang nae-enjoy ang birth­day ko. Hindi kagaya noon na pagod na pagod talaga ako,” sabi niya.

Siguro nga hindi na rin siya sanay doon sa malalaking activities kagaya noon. Noon kasi may panahon pang gustong gawin ang kanyang birthday celebration sa Luneta para lang mapagbigyan ang lahat ng mga fan na gustong magpunta. Hindi na nga lang napayagan iyon dahil natakot din sila na maraming masisirang halaman kung dadagsa nga ang  fans.

“Pero hindi mo rin maiwasan eh. May mga taong kahit na tapos mo na ang birthday mo, bigla na lang darating para bumati kagaya nga sa Batangas, kailangan din naman na i-entertain mo sila. Iyong mga Vilmanian nga sinasabi ko at saka na lang dahil maraming trabaho. Isabay na lang nila sa Christmas iyong party namin tutal naman malapit na,” sabi niya.

Nagkaroon ba siya ng particular wish noong birthday niya?

“Honestly para sa sarili ko wala na akong maisip. Palagay ko naging masyado nang mabait ang Diyos sa akin. Ang ipinagdarasal ko na lang ngayon, sana mas maging maayos ang buhay nating lahat. Maski ako nadarama ko iyong hirap ng buhay. Iyong pamalengke ko rati for one week, ngayon apat na araw na lang ang itinatagal niyon. At saka sa ating industriya, parang nagkakasunod-sunod naman yata ang nawawala, sana naman hindi ganoon,” sabi lang ni Ate Vi.

HATAWAN
ni Ed de Leon

About Ed de Leon

Check Also

Diwata

Diwata ayaw magseryoso sa lalaki — baka mawalan ako ng puhunan, maubos

SHOWBIZ KONEKni Maricris Valdez Nicasio MALAYONG-MALAYO na talaga ang naabot ni Diwata mula sa pagiging walang-wala ngayo’y …

Carlo J Caparas

Direk Carlo pumanaw sa edad 80

I-FLEXni Jun Nardo PUMANAW na ang batikang Comics King, novelist, writer, at director na si Carlo …

tiktok

Mga artista naisasantabi dahil sa mga Tiktokerist 

I-FLEXni Jun Nardo PISTA ng Holy Trinity kahapon sa lugar namin sa Balic-Balic, Sampaloc. Kaya …

blind item woman man

Television/event host gigil sa baho ng male starlet

HATAWANni Ed de Leon MAY isang television at event host na pilit kaming pinaaamin kung …

Leo Dominguez Ogie Alcasid

Manager ni Ogie na si Leo Dominguez namaalam na rin

NAUNA lang ng isang araw kay direk Carlo Caparas, namatay naman ang talent manager na si Leo …

Leave a Reply

Your email address will not be published. Required fields are marked *