ILANG buwan na rin naman iyang mga tsismis at nag-deny na rin naman sila pareho, pero ewan kung bakit nga ba ayaw pang tantanan ng mga basher sina Maine Mendoza at Sef Cadayona. Lumilitaw pa rin kasi ang mga tsismis at ilang sources na nagsasabing totoong may relasyon pa ang dalawa sa kabila ng kanilang denial.
Obvious na ang mga gigil na gigil sa mga kuwentong ganyan ay iyong mga Aldub fan na ang pakiramdam ay naaapi ang kanilang idol na si Alden Richards dahil ang kanyang ka-love team na si Maine ay may ibang gusto at sinasabing tunay na karelasyon. Ang nakapagtataka, wala naman sa kanilang nagba-bash kay Alden o sumisisi roon na baka ganyan ang nangyayari ay dahil hindi naman niya nililigawan nang totohanan si Maine.
Kung sabihin nga “it takes two to tango”. Unfair naman siguro kung maghihintay na lang nang maghihintay si Maine kung hindi naman siya diretsahang nililigawan ni Alden. Kung seryoso naman kasing pumoporma si Alden, napakalaki na ng kanyang advantage dahil tanghali pa lang ay kasama na niya si Maine araw-araw. Paano pa nga bang makaPapasok si Sef kung ganoon?
Kung totoo nga ang tsismis ng mga basher na nakasisingit ng panliligaw si Sef kay Maine, baka may pagkukulang din naman si Alden.
Basta ang paniniwala namin, walang mangyayari riyan sa patuloy nilang pamba-bash kina Maine at Sef. Imbestigahan din nila kung bakit para namang napakahinang manligaw ni Alden. Mukhang may problema rin naman sila sa bagay na iyon.
Isa pa, palagay naman namin nagagawa nina Alden at Maine ang trabaho nila bilang mga artista at magka-love team, bakit pa nga ba kailangang panghimasukan ng fans ang kanilang personal na buhay?
Check Also
Gary V handang umarteng muli sa harap ng kamera, bahagi na ng Star Magic family
SHOWBIZ KONEKni Maricris Valdez Nicasio PANIBAGONG career milestone ang naitala ng pambansang Mr. Pure Energy …
Beaver Magtalas mala Rico Yan ang dating
MATABILni John Fontanilla KAMUKHA ng yumaong aktor na si Rico Yan ang baguhang aktor na si Beaver Magtalas na …
Ivana Alawi gumastos ng milyones para sa lalaki
MATABILni John Fontanilla NABIGLA ang publiko nang aminin ni Ivana Alawi sa kanyang pamilya at sa publiko …
Dennis ibinilin sa mga anak: magtulungan
MA at PAni Rommel Placente SA guesting ng komedyanteng si Dennis Padilla sa vlog ni Aster Amoyo na TicTALK with …
Manilyn pinaka-memorable na ka-loveteam si Janno
MA at PAni Rommel Placente SA guesting ni Manilyn Reynes sa Updated with Nelson Canlas, tinanong siya kung …