Wednesday , December 7 2022

Ate Vi, ‘di pa muling makagagawa ng pelikula

SI Congresswoman Vilma Santos ang pinarangalang Most Influential Star ng Eduk Circle, isang samahan ng mga educator mula sa iba’t ibang unibersidad sa Pilipinas, na nagbibigay ng pagkilala sa mga tao at samahan sa media sa loob ng pitong taon na. Ang award ay personal na tinanggap ni Ate Vi sa AFP Theater noong isang araw.

Ang malungkot lang na balita para sa mga Vilmanian, wala pa palang tinatanggap na ano mang project si Ate Vi mula sa mga script na nasa kanya na ngayon.

“Alam mo magaganda talaga ang material, nanghihinayang ako. Kaya nga sinabi ko sa kanila na ibigay na muna nila sa ibang artista iyong mga project dahil sayang naman. Eh ako talaga kahit na anong tingin ang gawin ko, hindi ko kaya sa ngayon eh. Three days nasa session ako, kailangan umaga pa lang nasa office na ako. Weekends naman kailangan nasa Lipa ako, dahil nakikipagkita naman ako sa mga tao roon para malaman kung ano nga ba ang problema at kung anong solusyon ang magagawa namin.

“Hindi ba sinasabi ko sa inyo noon, siguro kung nasa congress na ako, mas magkakaroon ako ng time dahil sa kapitolyo ang tindi ng trabaho ko. Pero kasi iyong trabaho ko naman sa kapitolyo, sanay na ako eh. Siyam na taon kong ginagawa iyon. Ok naman ang lahat ng katrabaho ko, kaya puwede kong sabihin na puwede ba gagawa muna ako ng pelikula.

“Sa congress hindi puwede iyong ganoon. Kailangan kung may session naroroon ka. Sa rami nga ng trabaho nagkakasakit na ako.

Last time matindi ang atake ng ulcer ko, kasi minsan talaga hindi ka na makakain dahil sa rami ng trabaho at mga taong kailangan mong pakiharapan.

“Siguro makakasanayan ko rin, at makakapag-adjust din pero hindi pa ngayon. At saka hindi ba talaga namang ganyan ako kung gumawa ng pelikula. Bago itong ‘Everything About Her’ ang sinundan iyong ‘Healing’, na sumunod naman doon sa ‘Ekstra’. Talagang may pagitan  ng dalawang taon. Pero mas gusto ko na iyong ganoon kaysa gumagawa ka ng gumawa ng pelikula na wala rin naman. Tapos na iyong panahon namin na paramihan ng pelikula. Sa kalagayan ko ngayon, kailangang mamili na ako kung ano na lang ang gagawin, at kailangan maganda talaga,” patapos na pahayag ni Ate Vi.

HATAWAN
ni Ed de Leon



About Ed de Leon

Check Also

Vhong Navarro

P1-M piyansa ni Vhong pinayagan ng korte

PINAHINTULUTANG makapaglagak ng piyansa ang aktor at TV host na si Vhong Navarro para sa …

Tuesday Vargas

Tuesday ‘nabastos’ ng dalawang baguhan

MA at PAni Rommel Placente NAG-POST ang komedyanteng si Tuesday Vargas sa kanyang Instagram account tungkol sa naranasan niya …

Daniel Padilla Paolo Ortiz

Rey Paulo Ortiz Daniel Padilla in the making

MASAYANG-MASAYA si Rey Paolo Ortiz sa pagkakatanghal sa kanya bilang 2022 Prince Tourism Ambassador Universe kamakailan na isinagawa ang …

Carla Abellana Tom Rodriguez Rey PJ Abellana

PJ at Carla ‘di pa nagkaka-usap  simula nang magkaproblema

COOL JOE!ni Joe Barrameda NAPANOOD namin noong Miyerkoles ng gabi ang magkapatid na PJ Abellana at Jojo Abellana para …

Jane de Leon

Jane na-dengue at nagka-UTI

MA at PAni Rommel Placente HUMINGI ng paumanhin si Jane de Leon sa lahat ng kanyang mga …

Leave a Reply